ବୌଦ୍ଧ,୨୨/୧୨ – ଗତକାଲି ଘଟିଥିବା ଏକ ସଡକ ଦୁର୍ଘଟଣାରେ ବୌଦ୍ଧ ଜିଲ୍ଲା କଣ୍ଟାମାଳ ଥାନା ରିଙ୍ଗାପଡା ଗ୍ରାମର ନୀଳମଣି ରଣା (୩୬) ଙ୍କ ମୃତ୍ୟୁ ଘଟିଥିବା ଜଣାପଡିଛି । ମିଳିଥିବା ସୂଚନା ଅନୁଯାୟୀ ଗତକାଲି ନୀଳମଣି ରଣା କୌଣସି କାମରେ ବିନିକା ଅଞ୍ଚଳକୁ ତାଙ୍କର ବାଇକ ଓଡି ୩୧ ଏଫ ୮୧୪୧ ଯୋଗେ ଯାଇ ଫେରୁଥିଲେ । ଫେରିବା ବାଟରେ ସୋନପୁର – ବିନିକା ରାସ୍ତାର ଘୋଡା ଧାର ଛକ ନିକଟରେ ସୋନପୁରରୁ ବିନିକା ଆଡକୁ ଯାଉଥିବା ଗୋଟିଏ କାର୍ ଓ.ଆର. ୧୪ କେ ୫୭୫୬ ମୁହାଁମୁହିଁ ଧକ୍କା ଦେଇଥିଲା । ଖବରପାଇ ସୋନପୁର ଦମକଳ ବାହିନୀ ଦୁର୍ଘଟଣା ସ୍ଥଳରେ ପହଞ୍ଚି ଗୁରୁତର ଅବସ୍ଥାରେ ନୀଳମଣିଙ୍କୁ ଉଦ୍ଧାର କରି ସୋନପୁର ମୁଖ୍ୟ ଡାକ୍ତରଖାନାରେ ଭର୍ତ୍ତି କରିଥିଲା । ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ । ମହାଦେବ ପାଲି ଫାଣ୍ଡି ପୋଲିସ ଘଟଣାସ୍ଥଳରେ ପହଞ୍ଚି ଦୁର୍ଘଟଣାରେ ସଂପୃକ୍ତ ଉଭୟ ଗାଡିକୁ ଜବତ କରି ତଦନ୍ତ କରୁଥିବା ଜଣାପଡିଛି ।
