ବୌଦ୍ଧ/ବାଉଁଶୁଣୀ,୨୨/୧୦ – ବୌଦ୍ଧବ୍ଲକର ବିଭିନ୍ନ ସ୍ଥାନରେ ପବିତ୍ର ଶାରଦୀୟ ଦୁର୍ଗା ପୂଜା ଆଜି ଆରମ୍ଭ ହୋଇ ଯାଇଛି । କରୋନା ପାଇଁ କଟକଣା ରହିଥିଲେ ମଧ୍ୟ କୋଭିଡ୍ ଆଇନ୍ ଅନୁଯାୟୀ ସମସ୍ତ ସ୍ଥାନରେ ଦୁର୍ଗା ପୂଜା ଅନୁଷ୍ଠିତ ହୋଇଛି । ଷ୍ଟାର୍ କ୍ଲବ୍ ଡିମିରି ପାଲି ଆନୁକୁଲ୍ୟରେ ୫୩ ତମ ଶାରଦୀୟ ଦୁର୍ଗା ପୂଜା ଆଜି ଆରମ୍ଭ ହୋଇ ଯାଇଛି । ଚଳିତ ବର୍ଷର ପୂଜାରେ କର୍ତ୍ତା ଭାବରେ ସହସ୍ରାଂଶୁ ମହାକୁଳ ଓ ସାଗର ମଲ୍ଲିକ ଥିବାବେଳେ ପୂଜକ କିରଣ ତ୍ରିପାଠୀ, ଅକ୍ଷୟ ମିଶ୍ର ଓ ସଞ୍ଜୟ ମିଶ୍ର ପୂଜା କାର୍ଯ୍ୟ କରିଥିଲେ । ଷ୍ଟାର୍ କ୍ଲବ୍ ସଭାପତି କନ୍ଦର୍ପ ସେଠୀ, ଉପସଭାପତି କାହ୍ନୁ ଚରଣ ତ୍ରିପାଠୀ ଓ ସମ୍ପାଦକ ଅଭିମନ୍ୟୁ ମେସୁଆ ଉପସ୍ଥିତ ଥିଲେ ।
ସେହିପରି ବାଉଁଶୁଣୀ ବିଦ୍ୟୁତ୍ ବିଭାଗ କାର୍ଯ୍ୟାଳୟରେ ମଧ୍ୟ ଶାରଦୀୟ ଦୁର୍ଗା ପୂଜା ଅନୁଷ୍ଠିତ ହୋଇ ଯାଇଛି । ବାଘନଦୀକୁ ଯାଇ କଳସରେ ଜଳ ଆଣି ଘଟ ସ୍ଥାପନ କରିବା ପରେ ମାଆଙ୍କ ପୂଜା ଆରମ୍ଭ କରାଯାଇଥିଲା । ଚଳିତ ବର୍ଷ କର୍ତ୍ତା ଭାବରେ ଗଦାଧର ବେହେରା ଓ ସୁବାସ ଦାଶ ପୂଜକ ଭାବରେ ପୂଜା କାର୍ଯ୍ୟ ପରିଚାଳନା କରିଥିଲେ । କୋଭିଡ କଟକଣାକୁ ମାନି ପୂଜା କାର୍ଯ୍ୟ ଚାଲିଥିବା ଆୟୋଜକମାନେ ପ୍ରକାଶ କରିଛନ୍ତି ।
