ବୌଦ୍ଧ,୨୧/୧୦- ଆଜି ପଞ୍ଚମ ଆଇଆରବି ବାଟାଲିଅନ ବଲାସିଙ୍ଗା ପଡିଆଠାରେ ବୌଦ୍ଧ ପୋଲିସ ପକ୍ଷରୁ ୬୩ ତମ ପୋଲିସ ସହିଦ ଦିବସ ପାଳିତ ହୋଇଯାଇଛି । ଏଥିରେ ମୁଖ୍ୟ ଅତିଥି ଭାବେ ବୌଦ୍ଧ ଆରକ୍ଷୀ ଅଧିକ୍ଷକ ପ୍ରହଲ୍ଲାଦ ସହାଇ ମିନା ଯୋଗଦେଇ ସହିଦ ସ୍ତମ୍ବରେ ମାଲ୍ୟାର୍ପଣ କରି ସହିଦମାନଙ୍କ ସୃୃତିଚାରଣ କରିଥିଲେ । ଏହି ଅବସରରେ ସେ ତାଙ୍କ ବକ୍ତବ୍ୟରେ କହିଥିଲେ ଯେ ସହିଦଙ୍କ ବଳିଦାନ ଆମପାଇଁ ପ୍ରେରଣାର ଉତ୍ସ । ସହିଦ ବୀର ପୋଲିସ ଅଫିସର ଓ କର୍ମଚାରୀଙ୍କ କର୍ତବ୍ୟ ନିଷ୍ଠା,ତ୍ୟାଗ ଓ ବଳିଦାନ ବିଷୟରେ ସ୍ମୃତିଚାରଣ କରାଯାଇଥିଲା । ଧନ ଜୀବନ ସୁରକ୍ଷା, ଶାନ୍ତି ଶୃଙ୍ଖଳା ଦିଗରେ କାମ କରିଆସୁଥିବା ବୌଦ୍ଧ ପୋଲିସ କାର୍ଯ୍ୟଶୈଳୀକୁ ପ୍ରଶଂସା କରାଯାଇଥିଲା । ନିଜ ନିଜ ଦାୟିତ୍ୱ ପାଳନ ଓ ଜନସେବା ସହ କୋଭିିଡ଼ ସମୟରେ ପୋଲିସ କାର୍ଯ୍ୟ ଜନସାଧାରଣଙ୍କ ମଧ୍ୟରେ ଭରସା ସୃଷ୍ଟି କରିପାରିଛି । ଏହି ଅବସରରେ ଆରକ୍ଷୀ ଅଧିକ୍ଷକଙ୍କ ସହ ଏସଡିପିଓ ଆନନ୍ଦ ବର୍ଦ୍ଧନ ଗୁରୁ, ୫ମ ଆଇଆରବି କମାଣ୍ଡାଣ୍ଟଙ୍କ ସହ ବହୁ ଜିଲ୍ଲାସ୍ତରୀୟ ପୋଲିସ ଅଧିକାରୀ ଉପସ୍ଥିତ ଥିଲେ ।
