ବୌଦ୍ଧ,୨୬/୩: ଆଜି ଭୋର ସମୟରେ ୫୭ନମ୍ବର ଜାତୀୟ ରାଜପଥର ମଥୁରା ଗ୍ରାମ ପଞ୍ଚାୟତ ଖଜୁରୀପଡା ନିକଟରେ ଏକ ଯାତ୍ରୀବାହୀ ବସ ଓ ଟ୍ରକ ମଧ୍ୟରେ ମୁହାଁମୁହିଁ ଧକ୍କା ଫଳରେ ବସରେ ଥିବା ୧୦ଜଣ ଯାତ୍ରୀ ଆହତ ହୋଇଥିବା ସୁଚନା ମିଳିଛି । ସେମାନଙ୍କ ମଧ୍ୟରୁ ତିନିଜଣ ଗୁରୁତର ଥିବା ଜଣାପଡିଛି । ମିଳିଥିବା ସୂଚନା ଅନୁଯାୟୀ ରାତି ପ୍ରାୟ ୩ ଘଣ୍ଟା ସମୟରେ ତିରୁପତି ନାମକ ଏକ ବସ୍ ଭୁବନେଶ୍ୱରରୁ ଭବାନୀପାଟଣା ଯାଉଥିଲା । ଏ ସମୟରେ ବିପରୀତ ଦିଗରୁ ଆସୁଥିବା ଏକ ଟ୍ରକ ସହ ବୌଦ୍ଧଥାନା ଖଜୁରୀପଡା ନିକଟରେ ଉଭୟ ଗାଡିର ସାମ୍ନାସାମ୍ନି ଧକ୍କା ହୋଇଥିଲା ।
ଦୁର୍ଘଟଣା ହେବା ପରେ ସ୍ଥାନୀୟ ଲୋକେ ଆମ୍ବୁଲାନ୍ସ ଯୋଗେ ଆହତ ଯାତ୍ରୀ ମାନଙ୍କୁ ବୌଦ୍ଧ ମୁଖ୍ୟ ଡାକ୍ତରଖାନାରେ ଭର୍ତ୍ତିର୍ି କରାଇଥିଲେ । ବୌଦ୍ଧ ଆଦର୍ଶ ଥାନା ପୋଲିସ ଘଟଣାସ୍ଥଳରେ ପହଂଚି ଏ ସମ୍ପର୍କରେ ଅଧିକ ତଦନ୍ତ କରୁଛି । ଆହତ ସମସ୍ତ ଯାତ୍ରୀ କଳାହାଣ୍ଡି ଜିଲ୍ଲାର ବୋଲି ଜଣାପଡିଛି ।
