ବୌଦ୍ଧ,୧୫/୯ – ଜାତୀୟ ରାଜପଥ ନମ୍ବର୍ ୫୭ ର ପୁରୁଣାକଟକ ଥାନା ଅନ୍ତର୍ଗତ କରଡାକୋଠା ନିକଟରେ ପ୍ରତିଦିନ ଅନେକ ଛୋଟ ବଡ଼ ଦୁର୍ଘଟଣା ଘଟି ଅନେକ ଧନ ଜୀବନ ନଷ୍ଟ ହେଉଛି । ସେଥିପାଇଁ କରଡାକୋଠାକୁ ଦୁର୍ଘଟଣା ପ୍ରବଣ ଅଂଚଳ ବା ଡେଥ ଜୋନ ଭାବେ ଲୋକେ ଅଭିହିତ କଲେଣି ।
ଗତକାଲି ସକାଳେ ଭାରସାମ୍ୟ ହରାଇ ସ୍କୁଟି ଦୁର୍ଘଟଣାଗ୍ରସ୍ତ ହେବାରୁ ଜଣେ ମୃତ୍ୟୁବରଣ କରିଥିବା ବେଳେ ଆଉ ଜଣେ ଗୁରୁତର ଆହତ ହୋଇ ବୁର୍ଲା ଡାକ୍ତରଖାନାରେ ଭର୍ତ୍ତି ହୋଇଛନ୍ତି । ଉକ୍ତ ଦୁର୍ଘଟଣାର କିଛି ସମୟ ପରେ ସେହି କରଡାକୋଠା ନିକଟରେ ଭାରସାମ୍ୟ ହରାଇ ଆଉ ଗୋଟିଏ କାର୍ ଦୁର୍ଘଟଣା ହୋଇଥିଲା । ମିଳିଥିବା ସୂଚନା ଅନୁଯାୟୀ ଗତକାଲି ଚାରିଛକ ଠାରୁ ବୌଦ୍ଧ ଅଭିମୁଖେ ଆସୁଥିବା ଗୋଟିଏ କାର୍ ଓଡି ୦୩ ଜିୟୁ ୪୧୦୬ ଦିନ ୧୧ ଘଣ୍ଟା ସମୟରେ ଭାରସାମ୍ୟ ହରାଇ ରାସ୍ତା ତଳକୁ ଖସି ଓଲଟି ପଡିଥିଲା । ଗାଡିରେ କେବଳ ଡ୍ରାଇଭର ଥିଲେ ଓ ସେ ଅଳ୍ପକେ ବର୍ତ୍ତି ଯାଇଥିବା ଜଣାପଡିଛି ।
କେବଳ ଗତକାଲିର ଘଟଣା ନୁହେଁ ଦୈନନ୍ଦିନ କଲରାକୋଠା ନିକଟରେ ଅନେକ ଦୁର୍ଘଟଣା ଘଟି ଚାଲିଛି । ଏ ଅଞ୍ଚଳକୁ ଦୁର୍ଘଟଣା ପ୍ରବଣ ଅଂଚଳ ଭାବରେ ଘୋଷଣା କରାଯାଇ ଦୁର୍ଘଟଣାକୁ ରୋକିବାପାଇଁ ପଦକ୍ଷେପ ନେବାକୁ ଜନସାଧାରଣରେ ଦାବୀ ହେଉଛି ।
