ବୌଦ୍ଧ,୨୯/୧୨- ଗୃହ ବିଭାଗ ପକ୍ଷରୁ ପ୍ରକାଶିତ ବିଜ୍ଞପ୍ତି ସଂଖ୍ୟା ୪୬୧୮୮ ତା.୨୮.୧୨.୨୦୨୧ରେ ରାଜ୍ୟ ପୋଲିସ ବିଭାଗର କାର୍ଯ୍ୟରତ ୫୯ଜଣ ଇନ୍ସପେକ୍ଟର ଡି.ଏସ.ପି. ପାହ୍ୟାକୁ ପଦୋନ୍ନତି ପାଇଛନ୍ତି । ପ୍ରକାଶିତ ତାଲିକାରେ ବୌଦ୍ଧ ଆଦର୍ଶଥାନା ଆଇ.ଆଇ.ସି. ତପସ୍ୱିନୀ କଁଅରଙ୍କ ପଦୋନ୍ନତି ପରେ ମାଡାମଙ୍କୁ ଶୁଭେଚ୍ଛା ଜଣାଇବା ପାଇଁ ପ୍ରଶଂସକଙ୍କ ସୁଅ ଛୁଟୁଛି । ତପସ୍ୱିନୀ କଁଅର ୩୧.୭.୨୦୧୦- ୪.୮.୨୦୧୦ ପର୍ଯ୍ୟନ୍ତ,୧୦.୨.୨୦୧୧ ରୁ ୨୩.୫.୨୦୧୧ ରିଖ ପର୍ଯ୍ୟନ୍ତ ଏବଂ ୫.୧୦.୨୦୧୮ ରୁ ଅଦ୍ୟାବଧି ଦକ୍ଷତାର ସହ ନିଜ ଦାୟିତ୍ୱ ନିର୍ବାହ କରିଛନ୍ତି । ଆଜି ଅପରାହ୍ନରେ ଆଇ.ଆଇ.ସି ତପସ୍ୱିନୀ କଁଅରଙ୍କୁ ସୌଜନ୍ୟମୂଳକ ସାକ୍ଷାତ କରି ଶୁଭେଚ୍ଛା ଜଣାଇଥିଲେ । ଜ଼ିଲ୍ଲା ସୂଚନା ଓ ଲୋକସମ୍ପର୍କ ଅଧିକାରୀ ରୀତାକାନ୍ତି ବଳିୟାର ସିଂହ ଓ କାର୍ଯ୍ୟାଳୟର ସମସ୍ତ କର୍ମଚାରୀ ସୌଜନ୍ୟମୂଳକ ସାକ୍ଷାତକରି ସୁଶ୍ରୀ କଅଁରଙ୍କୁ ଶୁଭେଚ୍ଛା ଜଣାଇବାସହ ଆଗାମୀ ନବ ବର୍ଷର ଅଭିନନ୍ଦନ ଜଣାଇଥିଲେ ।
