ବୌଦ୍ଧ/ଜହ୍ନ ।ପଙ୍କ,୨୦/୧୦ : ଗଜଲଷ୍ମୀ ପୂଜା ଅବସରରେ ବୌଦ୍ଧବ୍ଲକ ମୁଣ୍ଡାପଡା ପଞ୍ଚାୟତ ଅନ୍ତର୍ଗତ ଖମାରିପଡାରେ ରାମାୟଣର ସୁନ୍ଦରାକାଣ୍ଡ ପାରାୟଣ ବୁଧବାର ଅନୁଷ୍ଠିତ ହୋଇଯାଇଛି । ଏଥିରେ ବ୍ୟାସ ଭାବେ ବନ୍ଦିତା ନାଏକ ରାମାୟଣ ଗାନ କରିଥିଲେ । କର୍ତାଭାବେ ବିମଲ ନାଏକ ସସ୍ତ୍ରୀକ ଦାୟିତ୍ୱ ତୁଲାଇଥିଲେ । ବାଦ୍ୟଯନ୍ତ୍ରରେ ଗୋପାଳ ପଣ୍ଡା, ବିମଲ ନାଏକ, ଭାଗବତ ସେଠୀ ଓ ଅଶୋକ ବାଘ ସହଯୋଗ କରିଥିଲେ । କାର୍ଯ୍ୟକ୍ରମରେ ଖମାରିପଡା ଗ୍ରାମବାସୀ ସହଯୋଗ କରିଥିଲେ । ସେହିପରି ଲକ୍ଷ୍ମୀପ୍ରସାଦ ପଞ୍ଚାୟତ ନାରାୟଣପୁରରେ ଲକ୍ଷ୍ମୀପୂଜା ପାଳନ କରାଯାଇଛି । ମଧୁପୁର ବସଷ୍ଟାଣ୍ଡରେ ମଧୁସୂଦନ ଦାସ ଓ କମଲପୁର ରାମାୟଣ ପାରାୟଣରେ ଅଳକା ଦାସ ପାରାୟଣ ଗାନ କରିଥିଲେ । କାର୍ଯ୍ୟକ୍ରମରେ ବହୁସଂଖ୍ୟକ ରାମ ଶ୍ରଦ୍ଧାଳୁ ଯୋଗଦେଇ ରାମାୟଣ ଶ୍ରବଣ କରିଥିଲେ ।ଏଥିରେ ଗ୍ରାମବାସୀ ସମ୍ପୂର୍ଣ୍ଣ ସହଯୋଗ କରିଥିଲେ ।
