ବୌଦ୍ଧ,୨୬/୫ – ଆଜି ପବିତ୍ର ବୁଦ୍ଧପୂର୍ଣ୍ଣିମାରେ ବୌଦ୍ଧରେ ନିରାଡମ୍ବର ଭାବେ ବୁଦ୍ଧ ପୂର୍ଣ୍ଣମୀ ପାଳିତ ହେଉଛି । ଭଗବାନ ବୁଦ୍ଧଙ୍କ ନାମରେ ନାମିତ ବୌଦ୍ଧଜିଲ୍ଲାରେ ବୌଦ୍ଧକୀର୍ତ୍ତି ଓ ପରଂପରା ଅନନ୍ୟ । କୋଭିଡ କଟକଣା ଯୋଗୁଁ ଚଳିତଥର ଆଡମ୍ବରପୂର୍ଣ୍ଣ କରାନଯାଇ କେବଳ ବିଧିରକ୍ଷା ପାଇଁ ବୌଦ୍ଧପୂର୍ଣ୍ଣିମା ପାଳନ କରାଯାଉଛି ।
ଚଳିତଥର ସରକାର ବୌଦ୍ଧଜିଲ୍ଲାରେ ଆଜିର ଦିନକୁ ଛୁଟି ମଧ୍ୟ ଘୋଷଣା କରିଛନ୍ତି । ବୌଦ୍ଧର ବିଶିଷ୍ଟ ଗବେଷକ ତଥା ନାଗରିକ କମିଟି ଆବାହକ ବିଶେଶ୍ୱର ପୃଷ୍ଟିଙ୍କ ସମେତ ଅନେକ ବୁଦ୍ଧିଜୀବି ଦେବଦତ୍ତ ପାଣିଗ୍ରାହୀ, ଧବଳେଶ୍ୱର ମହାପାତ୍ର, ଦିବ୍ୟ ରଞ୍ଜନ ପଟ୍ଟନାୟକ, ଜିତେନ୍ଦ୍ର ବେହେରା, କେତନ କୁମାର ଅଗ୍ରୱାଲ ପ୍ରମୁଖ ରାଜବାଟୀସ୍ଥିତ ପ୍ରସିଦ୍ଧ ଭୂମିସ୍ପର୍ଶ ମୁଦ୍ରାରେ ଥିବା ବୁଦ୍ଧ ମୂର୍ତ୍ତୀ ଠାରେ ପହଞ୍ଚି ପୁଷ୍ପମାଲ୍ୟ ଅର୍ପଣ କରିବାସହ ଦୀପଜାଳି ପ୍ରାର୍ଥନା କରିଥିଲେ ।
