ବୌଦ୍ଧ,୩୦/୧୨- ଗତକାଲି ରାତି ପ୍ରାୟ ସାଢେ ୯ଟା ସମୟରେ ବୌଦ୍ଧସହର ତଥା ବିଭିନ୍ନ ଅଞ୍ଚଳରେ ଅଦିନିଆ ବର୍ଷା ସାଙ୍ଗକୁ କୁଆପଥର ବୃଷ୍ଟି ହୋଇଥିଲା । ଏହି କୁଆପଥର ମାଡରେ ସମଗ୍ର ଜିଲ୍ଲାରେ ବ୍ୟାପକ ଫସଲ ଓ ପନିପରିବା ନଷ୍ଟ ହୋଇଯାଇଛି । ଏଥିସହିତ ବିଭିନ୍ନ ମଣ୍ଡିରେ ପଡିରହିଥିବା ଧାନବସ୍ତା ଗୁଡିକ ବର୍ଷାପାଣିରେ ଭିଜିଯାଇଥିବା ଦେଖିବାକୁ ମିଳିଛି । ବହୁ ବର୍ଷ ହେଲା ଏପରି କୁଆପଥର ବୃଷ୍ଟି ଦେଖିବାକୁ ମିଳିନଥିବାବେଳେ ଗତକାଲି ରାତିରେ ଏହି କୁଆପଥର ବୃଷ୍ଟିକୁ ଦେଖି ବହୁଲୋକ ମଜାଉଠାଉଥିବା ବେଳେ ମୋବାଇଲରେ ଫଟୋ ଓ ଭିଡିଓ କରି ପଠାଉଥିବା ଦେଖିବାକୁ ମିଳିଥିଲା ।
କୁଆପଥର ମାଡରେ ଗୋଚ୍ଛାପଡା ଅଞ୍ଚଳର ଜଣେ ବ୍ୟକ୍ତି ଗୁରୁତର ଆହତ ହୋଇଥିବା ଜଣାପଡିଛି । ଏହି ଅଦିନିଆ ବର୍ଷା ଓ କରାମାଡରେ କ୍ଷତିଗ୍ରସ୍ତ ହୋଇଥିବା ଚାଷୀମାନଙ୍କୁ କ୍ଷତିପୂରଣ ଯୋଗାଇ ଦେବାକୁ ଦାବି ହେଉଛି ।
