ବୌଦ୍ଧ/ଜହ୍ନ ।ପଙ୍କ ,୪/୧: ବୌଦ୍ଧବ୍ଳକ ବଢିଗାଁ ଖେଳପଡ଼ିଆରେ ମା ଦୁର୍ଗା କ୍ଳବ ଆନୁକୂଲ୍ୟରେ ୫ ମ ମା ଭୈରବୀ ଫୁଟବଲ ପ୍ରତିଯୋଗିତା ଆଜି ତୃତୀୟ ଦିନର ପ୍ରଥମ ମ୍ୟାଚ ତାଳସରଡା ଓ ଗିରାସିଙ୍ଗା ମଧ୍ୟରେ ହୋଇଥିଲା । ଏଥିରେ ଗିରାସିଙ୍ଗା ୨-୦ ଗୋଲରେ ବିଜୟୀ ହୋଇଥିଲା । ଦ୍ୱିତୀୟ ମ୍ୟାଚ ବିରିଗଡ ଓ ଜଡ଼ାପାଲ ମଧ୍ୟରେ ହୋଇଥିଲା । ଏଥିରେ ଜଡ଼ାପାଲ ୧-୦ ଗୋଲରେ ବିଜୟୀ ହୋଇଥିଲା । ଆଜିର ମ୍ୟାଚକୁ ବିଭୁତି ବେହେରା ପରିଚାଳନା କରିଥିବାବେଳେ ଲାଇନରେ ପ୍ରହଲ୍ଲାଦ ଭୋକ୍ତା ଓ ସୁଜିତ ରାଜହଂସ ସହଯୋଗ କରିଥିଲେ । ଚତୁର୍ଥ ରେଫରୀ ଭାବେ ବରୁଣ ପ୍ରଧାନ ଦାୟିତ୍ୱ ତୁଲାଇଥିଲେ । ଆଜି ମ୍ୟାଚରେ ମୁଖ୍ୟଅତିଥି ଭାବେ ବିଶିଷ୍ଟ ଉଦ୍ୟୋଗପତି କିରଟି ପ୍ରଧାନ ଓ ସମ୍ମାନିତ ଅତିଥି ଭାବେ ୱାର୍ଡସଭ୍ୟ ମହେଶ୍ୱର ନାଏକ ଯୋଗଦେଇ ଖେଳାଳୀଙ୍କ ସହିତ କରମର୍ଦ୍ଦନ କରିଥିଲେ । ଏହି ଫୁଟବଲ ପ୍ରତିଯୋଗିତାରେ ସୁବଳ ପାଢ଼ୀ, ରାକେଶ ପୂଜାରୀ, ଚନ୍ଦନ ଜେନା, କୃଷ୍ଣ ବିଶି ପ୍ରମୁଖ ସହଯୋଗ କରିଥିଲେ ।
