ବୌଦ୍ଧ,୧୧/୯ – ଆଜି ପୁଣି ନୂତନ ୩୯ କରୋନା ପଜିଟିଭ ଜିଲ୍ଲାରେ ଚିହ୍ନଟ ହୋଇଥିବା ରାଜ୍ୟ ସୂଚନା ଓ ଲୋକସମ୍ପର୍କ ବିଭାଗ ପକ୍ଷରୁ ସୂଚନା ମିଳିଛି । ମିଳିଥିବା ସୂଚନା ଅନୁଯାୟୀ ଆଜି ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ୍ ସରସରା ଗ୍ରାମରୁ ୧ ଜଣ, ବୌଦ୍ଧ ସହରାଞ୍ଚଳ ମଧ୍ୟରୁ ୯ ଜଣ, ବଲାସିଙ୍ଗାସ୍ଥିତ ପଞ୍ଚମ ଇଣ୍ଡିଆନ ରିଜର୍ଭ ବାଟାଲିୟନ୍ କ୍ୟାମ୍ପସ ମଧ୍ୟରୁ ୧୦ ଜଣ, କଣ୍ଟାମାଳ ବ୍ଲକ୍ ରତାଖଣ୍ଡି ଗ୍ରାମରୁ ୩ ଜଣ ଓ ଖମନ୍ମୁଣ୍ଡା ଗ୍ରାମ ପଂଚାୟତର ଦିଘୁନମାଲ ଗ୍ରାମରୁ ୧୫ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଆଉ ଜଣେ ବ୍ୟକ୍ତି ବାହାର ଜିଲ୍ଲାରେ ପରୀକ୍ଷା କରାଇ ଚିହ୍ନଟ ହୋଇଥିବା ହେତୁ ତାଙ୍କର ଠିକଣା ହସ୍ତଗତ ହୋଇ ପାରୁନଥିବା ସିଡିଏମଓ ଡାକ୍ତର ତ୍ରିଲୋଚନ ପ୍ରଧାନ ସୂଚନା ଦେଇଛନ୍ତି । ଆଜିର ୩୯ କରୋନା ପଜିଟିଭ ସଂଖ୍ୟାକୁ ମିଶାଇଲେ ଜିଲ୍ଲାରେ ମୋଟ କରୋନା ପଜିଟିଭ ସଂଖ୍ୟା ୧୦୦୬ ରେ ପହଞ୍ଚିଲା ।
