ବୌଦ୍ଧ,୩/୫ – ଆଜି ସନ୍ଧ୍ୟା ପ୍ରାୟ ୭ ଘଣ୍ଟା ସମୟରେ ମନମୁଣ୍ଡା – କଣ୍ଟାମାଳ ରାସ୍ତାର କପାସିରା ଛକ ନିକଟରେ ଏକ ଅଜଣା ଗାଡି ଧକ୍କାରେ ଜଣେ ବାଇକ ଆରୋହୀ ଗୁରୁତର ଆହତ ହୋଇଥିବା ଜଣାପଡିଛି । ମିଳିଥିବା ସୂଚନା ଅନୁଯାୟୀ ଆଜି ସନ୍ଧ୍ୟା ପ୍ରାୟ ୭ ଘଣ୍ଟା ସମୟରେ ଜଣେ ବାଇକ ଆରୋହୀ ମନମୁଣ୍ଡା ଠାରୁ କଣ୍ଟାମାଳ ରାସ୍ତାରେ ଯାଉଥିବା ବେଳେ କଣ୍ଟାମାଳ ପଟରୁ ଆସୁଥିବା ଏକ ହାଇୱା ଧକ୍କାଦେବା ଫଳରେ ରାସ୍ତାରେ ବାଇକ ସହ ଛିଟିକି ପଡିଥିଲେ । ସ୍ଥାନୀୟ ଲୋକେ ତାଙ୍କୁ ଉଦ୍ଧାରକରି ଆମ୍ବୁଲାନସ୍ ଯୋଗେ ସୋନପୁର ଡାକ୍ତରଖାନାରେ ଭର୍ତ୍ତି କରିଥିଲେ । ବାଇକ ଆରୋହୀଙ୍କ ନାମ ଜଣାପଡି ନାହିଁ । ସ୍ଥାନୀୟ ଲୋକ କହିବା ଅନୁଯାୟୀ ସେ ବୁଟୁମୁଣ୍ଡା ଗ୍ରାମର ବୋଲି ଜଣାପଡିଛି । ଦୁର୍ଘଟଣା ଘଟାଇଥିବା ହାଇୱା ଫେରାର ମାରିଥିଲା ।
