ବୌଦ୍ଧ,୨୫/୮ : ଆଜି ବୌଦ୍ଧ ଜିଲ୍ଲାରେ ୧୧ ଜଣ କରୋନା ପଜିଟିଭ ଚିହ୍ନଟ ହୋଇଥିବା ରାଜ୍ୟ ସୂଚନା ଓ ଲୋକ ସମ୍ପର୍କ ବିଭାଗ ପକ୍ଷରୁ ସୂଚନା ଦିଆଯାଇଛି । ମିଳିଥିବା ସୂଚନା ଅନୁଯାୟୀ ଆଜି ଜିଲ୍ଲାରେ ଯେଉଁ ୧୧ ଜଣ ପଜିଟିଭ ଚିହ୍ନଟ ହୋଇଛନ୍ତି ସେମାନଙ୍କ ମଧ୍ୟରୁ କେବଳ ହରଭଙ୍ଗା ବ୍ଲକରୁ ୯ ଜଣ କରୋନା ଆକ୍ରାନ୍ତ ଅଛନ୍ତି । ସିଡିଏମଓ ଡାକ୍ତର ତ୍ରିଲୋଚନ ପ୍ରଧାନ ଦେଇଥିବା ସୂଚନା ଅନୁଯାୟୀ ହରଭଙ୍ଗା ବ୍ଲକ୍ କୁଶଙ୍ଗ ଗ୍ରାମ ପଂଚାୟତର ୫ ଜଣ, ଧଳପୁର ଗ୍ରାମ ପଂଚାୟତର ୩ ଜଣ ଓ ଚାରିଛକର ଜଣେ ବ୍ୟକ୍ତି ଆଜିର କରୋନା ପଜିଟିଭ ତାଲିକାରେ ରହିଛନ୍ତି । ଅନ୍ୟ ଦୁଇଜଣ ପଜିଟିଭ ବୌଦ୍ଧ ସହରାଞ୍ଚଳର ବୋଲି ସୂଚନା ମିଳିଛି । ଆଜିର ପଜିଟିଭକୁ ମିଶାଇଲେ ବୌଦ୍ଧ ଜିଲ୍ଲାରେ କରୋନା ପଜିଟିଭ ଚିହ୍ନଟ ସଂଖ୍ୟା ୫୩୯ରେ ପହଞ୍ଚିଲା ।
