ବୌଦ୍ଧ/ବାଉଁଶୁଣୀ,୧୪/୩- ସ୍ୱତନ୍ତ୍ର ସ୍କ୍ୱାର୍ଡ (ଏସ.ଟି.ଏଫ.) ଦ୍ୱାରା ଗତକାଲି ବାଉଁଶୁଣି ଥାନା ସିଙ୍ଗାରୀ ନିକଟରେ ଓଡି୦୫ ଏ.ଜେଡ. ୬୫୫୩ ନମ୍ବର ବିଶିଷ୍ଟ ଏକ ଟାଟା ୱାଧା ଡାଲା ଗାଡିକୁ ଚଢାଉକରି ଚାଲାଣ ହେଉଥିବା ୭୨ କିଲୋଗ୍ରାମ ୨୦୦ ଗ୍ରାମ୍ ଗଞ୍ଜେଇ ଜବତ କରିଥିବା ଜଣାପଡିଛି । ମାମଲାରେ ସଂପୃକ୍ତ ଦୁଇ ଜଣ ଯୁବକ ରମେଶ ଚନ୍ଦ୍ର କୌଶଲ୍ୟା (ବିଷମ କଟକ) ଓ ଲକ୍ଷ୍ମଣ ଜାଲ (କୋରାପୁଟ )ଙ୍କୁ ସ୍ୱତନ୍ତ୍ର ସ୍କ୍ୱାଡ ଗିରଫ କରିଥିବା ବେଳେ ଶ୍ରୀକୃଷ୍ଣ ଖଟୁଆ (ହିଲୁଙ୍ଗ) ଚିତ୍ତରଂଜନ ପଲେଇ (ଢେଙ୍କାନାଳ) ଓ ବିଷ୍ଣୁ ବୋଲି ଜଣାପଡିଛି । ଏ ସମ୍ପର୍କରେ ବାଉଁଶୁଣୀ ଥାନାରେ କେସ ନମ୍ବର୍ ୩୧/୨୧ ରେ ଏକ ମାମଲା ରୁଜୁ କରିଛି । ଆଜି ଉଭୟ ଗିରଫ ଅଭିଯୁକ୍ତଙ୍କୁ କୋର୍ଟଚାଲାଣ କରାଯିବ ବୋଲି ବାଉଁଶୁଣୀ ଥାନା ଅଧିକାରୀ ସୁବାଷ ଚନ୍ଦ୍ର ରାୟଗୁରୁ ସୁଚନା ଦେଇଛନ୍ତି । ଚଳିତବର୍ଷ ଜିଲ୍ଲାର ବିଭିନ୍ନ ଉପାନ୍ତ ଓ ଜଙ୍ଗଲ ମଧ୍ୟରେ ହଜାର ହଜାର ଏକର ଜମିରୁ ଲକ୍ଷଲକ୍ଷ ଗଞ୍ଜେଇ ଗଛ ଅବକାରୀ ଓ ପୋଲିସ୍ ବିଭାଗ କାଟି ନଷ୍ଟ କରିଥିବା କହୁଥିବାବେଳେ ପୁଣି କ୍ୱିଣ୍ଟାଲ କ୍ୱିଣ୍ଟାଲ ଗଞ୍ଜେଇ କେଉଁଠୁ ଆସୁଛି ବୋଲି ଜନସାଧାରଣରେ ଆଲୋଚନା ହେଉଛି ।
