ବୌଦ୍ଧ,୧୬/୭- ବୌଦ୍ଧ ଏନ ଏ ସି ଅଞ୍ଚଳର ରାଜନପାଲି ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷକ ସୁନୀଲ ପରିଡା ଅବସର ନେଇଥିବାରୁ ତାଙ୍କ ଉଦ୍ଦେଶ୍ୟରେ ଅବସରକାଳୀନ ସଭା ବିଦ୍ୟାଳୟ ପରିଚାଳନା କମିଟିଙ୍କ ଦ୍ୱାରା ଅନୁଷ୍ଠିତ ହୋଇଥିଲା । ଗୋଷ୍ଠୀ ଶିକ୍ଷା ଅଧିକାରୀ ଧ୍ରୁବଚରଣ ଘିବେଲା ଉପସ୍ଥିତ ରହି ସଭା ପରିଚାଳନା କରିବା ସହିତ ବିଦ୍ୟାଳୟ ପରିବେଶ, ବିକଳ୍ପ ଶିକ୍ଷା ବ୍ୟବସ୍ଥା ମୋ ଗାଁ ମୋ ଦାୟିତ୍ୱ, ପିଲାଙ୍କ ପାଠପଢ଼ା ଓ ବିଦ୍ୟାଳୟ କାର୍ଯ୍ୟରେ ସମସ୍ତେ ସହଯୋଗ କରିବା ଏବଂ ଅବସର ନେଇଥିବା ପ୍ରଧାନ ଶିକ୍ଷକ ସୁନୀଲ ପରିଡାଙ୍କ କାର୍ଯ୍ୟ ସମ୍ପର୍କରେ ବକ୍ତବ୍ୟ ରଖିଥିଲେ । ସହଗୋଷ୍ଠୀ ଶିକ୍ଷା ଅଧିକାରୀ କମଳକାନ୍ତ ଦଳବେହେରା, ଏନଏସି ସିଆରସିସି ସନ୍ତୋଷ କର୍ଣ୍ଣ, ତେଲିବନ୍ଧ ସିଆରସିସି ରାଜକୁମାର ପ୍ରଧାନ ନିଜ ନିଜର ବକ୍ତବ୍ୟ ରଖିଥିଲେ । ବିଦ୍ୟାଳୟର ଭାରପ୍ରାପ୍ତ ପ୍ରଧାନ ଶିକ୍ଷୟିତ୍ରୀ ଲକ୍ଷ୍ମୀ ଖଣ୍ଡଗିରି ସମସ୍ତଙ୍କୁ ସ୍ୱାଗତ କରିବା ସହିତ ପରିଚୟ ପ୍ରଦାନ କରିଥିଲେ । ବିଦାୟୀ ପ୍ରଧାନ ଶିକ୍ଷକ ସୁନୀଲ ପରିଡା ନିଜର ଅନୁଭୂତି ପ୍ରକାଶ କରିଥିଲେ । ବିଦ୍ୟାଳୟ କମିଟିର ସଭାପତି ସୁବାସ ରାଜ, ମୋ ସ୍କୁଲ ଅଭିଯାନର ସଭାପତି ପଦ୍ମନାଭ ସେଠୀଙ୍କ ସହିତ କମିଟିର ସମସ୍ତ ସଦସ୍ୟ ସଦସ୍ୟା ଉପସ୍ଥିତ ରହିଥିଲେ । ଶେଷରେ ଶ୍ରୀଯୁକ୍ତ ପରିଡାଙ୍କୁ କମିଟି ତରଫରୁ ଫୁଲତୋଡା ଓ ଉପଢୌକନ ଦେଇ ସମ୍ବର୍ଦ୍ଧିତ କରାଯାଇଥିଲା ।
