ବୌଦ୍ଧ,୧୦/୧୧- ଆଜି ସକାଳ ପ୍ରାୟ ୮ଟା ସମୟରେ ବୌଦ୍ଧ ଅବକାରୀ ବିଭାଗ କୌଣସି ସୂତ୍ରରୁ ଖବରପାଇ ଗଞ୍ଜେଇ ଚାଲାଣ ହେଉଥିବା ବେଳେ ବୌଦ୍ଧବ୍ଲକ ସରଣ୍ଡାଛକ ନିକଟରେ ଏକ ଟାଟା ଏସିଇ ଗାଡି ସହ ବିପୁଳ ପରିମାଣର ଗଞ୍ଜେଇ ଜବତ କରିଥିବା ଜଣାପଡିଛି । ପ୍ରାପ୍ତ ସୂଚନା ଅନୁଯାୟୀ ଅନଗୁଳ ଜିଲ୍ଳା ବଇଣ୍ଡା ଅଞ୍ଚଳର ଜୀତେନ୍ଦ୍ର ପୋଢ(୨୪) ନାମକ ଜଣେ ଯୁବକ ଏକ ଟାଟା ଏସିଇ ଗାଡି ଯୋଗେ ଗଞ୍ଜେଇ ନେଇ ଅନୁଗୁଳ ଅଞ୍ଚଳକୁ ଯାଉଥିବା ବେଳେ ଅବକାରୀ ବିଭାଗ ଚଢ଼ାଉ କରିଥିଲା । ଧରା ପଡିଥିବା ଗଞ୍ଜେଇର ପରିମାଣ ୧୩୨ କେଜି ବୋଲି ଜଣାପଡିଛି । ଯାହାର ଆନୁମାନିକ ମୂଲ୍ୟ ୧୩ଲକ୍ଷ ୨୦ହଜାର ହେବ ବୋଲି ଅବକାରୀ ବିଭାଗ ତରଫରୁ ସୂଚନା ମିଳିଛି । ବୌଦ୍ଧ ଅବକାରୀ ବିଭାଗ ଓ ଡ଼ି ୧୯ ଆର ୬୦୭୩ ନମ୍ବର ବିଶିଷ୍ଟ ଟାଟା ଏସିଇ ଗାଡି ଜବତ କରିବା ସହ ଅଭିଯୁକ୍ତକୁ ଗିରଫକରି କୋର୍ଟ ଚାଲାଣ କରିଛି । ବୌଦ୍ଧ ଅବକାରୀ ଅଧୀକ୍ଷକ କ୍ରିଷ୍ଣା ନାୟକଙ୍କ ନିର୍ଦ୍ଦେଶକ୍ରମେ ଆଜିର ଏହି ଚଢଉରେ ଅବକାରୀ ଇନ୍ସପେକ୍ଟର ସାଗରିକା ପ୍ରଧାନ, ସ୍ପନ୍ଦନା ମହାନ୍ତି, ଅବକାରୀ ଥାନା ଅଧିକାରୀ ରମେଶ ଚନ୍ଦ୍ର ମହାନ୍ତିଙ୍କ ସମେତ ଅନ୍ୟ ଅବକାରୀ କର୍ମଚାରୀମାନେ ସାମିଲ ଥିଲେ ।
