ବୌଦ୍ଧ,୩ା୧୧: ବୌଦ୍ଧଜିଲ୍ଲା ସ୍କାଉଟ ଓ ଗାଇଡସ ତରଫରୁ ଆଜି ସକାଳ ୭ଟାରେ ପ୍ରତିମୂର୍ତ୍ତି ସଫେଇ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ବୌଦ୍ଧସହରସ୍ଥିତ ଟାଉନହଲ ସମ୍ମୁଖରେ ଥିବା ସ୍ୱାଧୀନତା ସଂଗ୍ରାମୀ ସ୍ୱର୍ଗତ ପ୍ରେମ ଶଙ୍କର ପଟ୍ଟନାୟକ ଓ ପ୍ରହ୍ଲାଦ ବିଶିଙ୍କ ପ୍ରତିମୂର୍ତ୍ତି, ଗାନ୍ଧିଛକ ଠାରେ ଥିବା ଗାନ୍ଧୀଙ୍କ ପ୍ରତିମୂର୍ତ୍ତି, ନୂଆସାହିସ୍ଥିତ ମଧୁବାବୁଙ୍କ ପ୍ରତିମୂର୍ତ୍ତି, କୋର୍ଟଛକସ୍ଥିତ ଡ. ବାବାସାହେବ ଆମ୍ବେଦକରଙ୍କ ପ୍ରତିମୂର୍ତ୍ତି ଓ ବୁଟୁପାଲିଠାରେ ଥିବା ପ୍ରତିମୂର୍ତ୍ତି ସଫେଇ ହୋଇଥିଲା । ଏହି କାର୍ଯ୍ୟକ୍ରମରେ ମୁଖ୍ୟଅତିଥି ଭାବେ ଜିଲ୍ଲା ଶିକ୍ଷା ଅଧିକାରୀ ଡ. ଉଦୟନାଥ ମାଝୀ ଯୋଗ ଦେଇଥିବାବେଳେ ସମ୍ମାନୀତ ଅତିଥିଭାବେ ବୌଦ୍ଧ ବିଇଓ ଧ୍ରୁବଚରଣ ଘିବେଲା, ବିଜ୍ଞାନ ନୀରିକ୍ଷକ ଦେବେନ୍ଦ୍ର କୁମାର ଦେହୁରୀ ଯୋଗଦେଇଥିଲେ । ସ୍କାଉଟ ଗାଇଡ ଜିଲ୍ଲା ସଂପାଦକ ଆନନ୍ଦ କୁମାର ବେହେରା ପରିଚୟ ପ୍ରଦାନ କରିଥିବାବେଳେ ଶଶାଙ୍କ ଶେଖର ଶାସିନୀ ଧନ୍ୟବାଦ ଅର୍ପଣ କରିଥିଲେ ।
ଏହି କାର୍ଯ୍ୟକ୍ରମରେ ୧୫ଜଣ ସ୍କାଉଟସ ଓ ୧୫ଜଣ ଗାଇଡ ଛାତ୍ରଛାତ୍ରୀ ଅଂଶଗ୍ରହଣ କରିଥିଲେ । ସ୍କାଉଟ ଗାଇଡର ଶିକ୍ଷକ ଶିକ୍ଷୟିତ୍ରୀ ସୁଧୀର କୁମାର ଭୋଇ, ମମତା ଦାଶ, ତେଲିବନ୍ଧ ସ୍କୁଲର ଶିକ୍ଷୟିତ୍ରୀ ଗାୟତ୍ରୀ ବେହେରା, ଟୁଟୁସିଙ୍ଗାର ଶିକ୍ଷକ ତପନ କୁମାର ନାୟକ, ଜେଡି ହାଇସ୍କୁଲ ବୌଦ୍ଧର ମଞ୍ଜିତ ମୋହନ ଚାନ୍ଦ୍, କ୍ରୀଡାଶିକ୍ଷକ ରଞ୍ଜିତ କୁମାର ରାଉତ ପ୍ରମୁଖ କ୍ୟାପଟେନ ସହଯୋଗ କରିଥିଲେ ।
