ବୌଦ୍ଧ,୩୦/୮: ବୌଦ୍ଧସହରର ଶ୍ରୀଶ୍ରୀ ମଦନମୋହନ ମନ୍ଦିରରେ ଆଜି ପବିତ୍ର ଜନ୍ମାଷ୍ଟମୀ ଅବସରରେ କୋଭିଡ ନିୟମକୁ ପାଳନକରି ଜନ୍ମାଷ୍ଟମୀ ପାଳିତ ହୋଇଯାଇଛି । ଆଜି ବ୍ରାହ ମୁହୂର୍ତ୍ତରୁ ଠାକୁରଙ୍କ ନିକଟରେ ବାଳଭୋଗ, ଆଳତି ଲାଗି ହେଲା ପରେ ଶ୍ରୀକୃଷ୍ଣଙ୍କ ପୂଜାର୍ଚ୍ଚନା ଅନୁଷ୍ଠିତ ହୋଇଥିଲା । ମନ୍ଦିର ପରିସରରେ ଆଣ୍ଠୁଆ ଗୋପାଳଙ୍କୁ ଏକ ସୁସଜ୍ଜିତ ବିମାନରେ ପ୍ରତିଷ୍ଠିତ କରାଯାଇ ପୂଜାର୍ଚ୍ଚନା କରାଯାଇଥିଲା । ସକାଳେ ପ୍ରଥମେ ମହାନଦୀରୁ ଜଳଆଣି ପୀଠ ସ୍ଥାପନ କରାଯାଇ ଗୋପାଳପୂଜା ଅନୁଷ୍ଠିତ ହୋଇଥିଲା । ଏଥିରେ କର୍ତ୍ତାଭାବେ ପ୍ରଫୁଲ୍ଲ କୁମାର ଯୋଶୀ ଓ ତାଙ୍କ ପତ୍ନୀ ପୂଜାରେ ବସିଥିବାବେଳେ ପୂଜକ ରାମଚନ୍ଦ୍ର ପୁରୋହିତ ପୂଜା କାର୍ଯ୍ୟ ସଂପାଦନ କରିଥିଲେ । ମଦନମୋହନ ନାଟ୍ୟକଳା ପରିଷଦର ସଦସ୍ୟମାନେ ଉପସ୍ଥିତ ରହି ସକ୍ରିୟ ସହ ଯୋଗ କରିଥିଲେ । ଆଜି ଶ୍ରଦ୍ଧାଳୁମାନେ ପ୍ରଭୁକୃପା ଲାଭ ପାଇଁ ମଦନମୋହନ ମନ୍ଦିରକୁ ଆସି ଦର୍ଶନ କରିଛନ୍ତି ।
