ହରଭଙ୍ଗା,୫/୮- ବୌଦ୍ଧ ଜିଲ୍ଲା ପୁରୁଣାକଟକ ଥାନା ଅନ୍ତର୍ଗତ ଖୋର୍ଦ୍ଧା-ବଲାଙ୍ଗୀର ୫୭ ନମ୍ବର ଜାତୀୟ ରାଜପଥରୁ ଗତକାଲି ବିଳମ୍ବିତ ରାତିରେ ଲକ୍ଷାଧିକ ଟଙ୍କାର କଫ୍ସିରଫ ଚୋରା ଚାଲାଣ ବେଳେ ପେଟ୍ରୋଲିଂ କରୁଥିବା ପୁଲିସ ଗୋଟିଏ ସ୍କୋର୍ପିଓ ସହ ଜଣଙ୍କୁ ଗିରଫ କରିଥିବା ଜଣାପଡିଛି । ସୂଚନା ଅନୁଯାୟୀ ଭୁବନେଶ୍ୱରରୁ ବଲାଙ୍ଗୀରକୁ ଏକ ସ୍କୋର୍ପିଓ ଯୋଗେ କଫସିରପ ଚୋରା ଚାଲାଣ ହେଉଥିବା ନେଇ ପୁରୁଣାକଟକ ପୋଲିସ କୌଣସି ସୂତ୍ରରୁ ଖବର ପାଇଥିଲା । ଚାରିଛକ-ପୁରୁଣାକଟକ ରାସ୍ତାରେ ଚେକିଂ ବେଳେ ପୁଲିସ ଉକ୍ତଗାଡିକୁ ଧରିଥିଲା । ଗାଡିରୁ ଏସକଫ କମ୍ପାନୀର ୧୬ ପେଟି କଫ ସିରପ ଜବତ କରିବା ସହ ଜଣକୁ ଗିରଫ କରିଛି ପୋଲିସ । ଗିରଫ ଅଭିଯୁକ୍ତ ହେଲେ ନୂଆପଡ଼ା ଜିଲ୍ଲା ସିନାପାଲି ଥାନା ଗଡ଼ରମାଲ ଗ୍ରାମର ଶ୍ୱେତାମ୍ବର ବାଗ । ଜବତ କଫସିରଫର ଆନୁମାନିକ ମୂଲ୍ୟ ୩ ଲକ୍ଷ ଟଙ୍କା ହେବ ବୋଲି ଜଣାପଡ଼ିଛି । ତେବେ ଏଥିରେ ଅନ୍ୟକାହାର ସମ୍ପୃକ୍ତି ନେଇ ପୁଲିସ ତଦନ୍ତ ଚଳାଇଛି ।
