ବାଉଁଶୁଣୀ,୨୨/୧୦ – ବୌଦ୍ଧବ୍ଲକ ପଲସପାଟ ଛକ ଠାରେ ରାଜ୍ୟ ବାହାର ଅଞ୍ଚଳର ଏକ କାର ଶୁକ୍ରବାର (ଜିଜେ ୦୧- ଆରଏମ -୨୬୫୪) ଭାରସାମ୍ୟ ହରାଇ ଦୁର୍ଘଟଣାଗ୍ରସ୍ତ ହେବାରୁ ଜଣେ ଗୁରୁତର ହୋଇଥିବା ଜଣାପଡିଛି । ଘଟଣାରୁ ପ୍ରକାଶ ଗୁଜରାଟ ରାଜ୍ୟର ତିନିଜଣ ଯୁବକ ଏକ କାରରେ ରାୟପୁରରୁ ବ୍ରହ୍ମପୁର ଯାଉଥିବା ବେଳେ ଭାରସାମ୍ୟ ହରାଇ ଖୋର୍ଦ୍ଧା ବଲାଙ୍ଗୀର ୫୭ ନମ୍ବର ଜାତୀୟ ରାଜପଥ ସାହାଜପାଲ ନିକଟସ୍ଥ ପଲସପାଟ ଛକ ନିକଟରେ ଦୁର୍ଘଟଣାଗ୍ରସ୍ତ ହୋଇଥିଲା । ଗାଡ଼ିରେ ବସିଥିବା ତିନିଜଣ ଯୁବକଙ୍କ ମଧ୍ୟରୁ ଅମୁଲ ପାଟିଲ (୩୪)ଙ୍କ ବାମହାତ ଭାଙ୍ଗି ଯାଇଥିବା ବେଳେ ସେ ଗୁରୁତର ହୋଇପଡ଼ିଥିଲେ । ହେଲେ ଗାଡ଼ିରେ ବସିଥିବା ବଣ୍ଟି ପଟେଲ ଓ ରାଜେନ୍ଦ୍ର ପାଟିଲ ସାମାନ୍ୟ ଆହତ ହୋଇଥିଲେ ।
ସ୍ଥାନୀୟ ଲୋକଙ୍କ ସହାୟତାରେ ୧୦୮ ଆମ୍ବୁଲାନ୍ସରେ ଅମୁଲ ଓ ବଣ୍ଟିଙ୍କୁ ବୌଦ୍ଧ ଡାକ୍ତରଖାନା ପଠାଯାଇଥିବା ଜଣାପଡିଛି । ଗାଡ଼ିରେ ପ୍ରେସ ଲେଖା ହୋଇଥିବା ବେଳେ ସେମାନେ ସାମ୍ବାଦିକ ନା ନୁହେଁ ତାହା ଜଣା ପଡ଼ିନାହିଁ । ଘଟଣାଟି ବାଉଁଶୁଣି ଥାନା ଅଂଚଳରେ ହୋଇଥିବା ବେଳେ ଘଟଣା ସ୍ଥଳରେ ବାଉଁଶୁଣି ପୋଲିସ ଖବରଲେଖା ହେବାଯାଏଁ ପହଞ୍ଚିନଥିବା ଜଣାପଡିଛି ।
