ବୌଦ୍ଧ,୨/୯:- ବୌଦ୍ଧର ନୂତନ ଜିଲ୍ଲା ଶିକ୍ଷା ଅଧିକାରୀ ଶ୍ରୀ ଉଦୟନାଥ ମାଝୀଙ୍କୁ ଜିଲ୍ଲା ନୂତନ ପେନସନଧାରୀ ପ୍ରାଥମିକ ଶିକ୍ଷକ ସଂଘ ଫୁଲତୋଡ଼ା ଦେଇ ସ୍ୱାଗତ କରିଛନ୍ତି । ସ୍ୱାଗତ ବେଳେ ସଂଘର ପ୍ରତିନିଧି ବିଭିନ୍ନ ଶିକ୍ଷକ ସମସ୍ୟାର ଆଲୋଚନା କରିଥିଲେ । ଶିକ୍ଷାଧିକାରୀ ଶ୍ରୀ ମାଝୀ ଶିକ୍ଷକଙ୍କ ସହଯୋଗରେ ଧୀରେ ଧୀରେ ସମସ୍ୟା ଗୁଡିକର ସମାଧାନ କରାଯିବ ବୋଲି କହିଥିଲେ । ଜିଲ୍ଲା ସଂଘ ସଭାପତି ବିନୋଦ ଷଡ଼ଙ୍ଗୀ, ସମ୍ପାଦକ ମହେଶ ସେଠି, ରାଜ୍ୟ ସଂଘ ଉପସଭାପତି ଶମ୍ଭୁ ଗିରି, ଶିକ୍ଷକ ହରମୋହନ ଦନାୟକ, ଧରଣୀ ମେହେର, ରାଜକୁମାର ପ୍ରଧାନ, ସୁଶାନ୍ତ କୁମାର କହଁର, ବୃନ୍ଦାବନ ସାହୁ, ଅନାଦିଚରଣ ବେହେରା, ଲୋକନାଥ ନାୟକ ପ୍ରମୁଖ ଉପସ୍ଥିତ ଥିଲେ ।
