ବୌଦ୍ଧ/ହରଭଙ୍ଗା,୧/୩- ବୌଦ୍ଧଜିଲ୍ଲା ହରଭଙ୍ଗା ଥାନା ଛତ୍ରଙ୍ଗ-କୁଶଙ୍ଗ ପୂର୍ତ୍ତବିଭାଗ ରାସ୍ତାର କୁଟିଝାର ବାଙ୍କସାହି ନିକଟରେ ସୋମବାର ଅପରାହ୍ନରେ ଟ୍ରାକ୍ଟର ସହ ଏକ ବାଇକ୍ ମୁହାଁମୁହିଁ ଧକ୍ଳାରେ ବାଇକ୍ ଚାଳକ ଜଣକ ମୃତ୍ୟୁ ଘଟିଥିବା ଘଟଣାକୁ ନେଇ ହରଭଙ୍ଗା ପୋଲିସ୍ ତଦନ୍ତ କରୁଥିବା ଜଣାପଡିଛି । ପୋଲିସ୍ ସୁତ୍ରରୁ ପ୍ରକାଶ ଯେ ଛତ୍ରଙ୍ଗ ଗ୍ରାମର ସନ୍ତୋଷ ଡାକୁଆ (୨୩) ସୋମବାର ଅପରାହ୍ନରେ କୁଟିଝାର ଗ୍ରାମକୁ ଏକ ବିବାହ ଭୋଜିକୁ ଯାଉଥିବା ସମୟରେ ବିପରୀତ ଦିଗରୁ ଆସୁଥିବା ଏକ ଟ୍ରାକ୍ଟର ସହ ମୁହାଁମୁହିଁ ଧକ୍ଳା ହୋଇଥିଲା । ଫଳରେ ଘଟଣାସ୍ଥଳରେ ହିଁ ବାଇକ୍ ଚାଳକ ଜଣକ ମୃତ୍ୟୁ ହୋଇଥିଲା । ଅନ୍ୟପଟେ ଦୁର୍ଘଟଣା ସ୍ଥଳରୁ ହିଁ ଟ୍ରାକ୍ଟର ଚାଳକ ଫେରାର୍ଥିବା ଜଣାପଡିଛି । ଏପଟେ ମୃତ ଶବକୁ ପୋଲିସ୍ ପୋଷ୍ଟମୋଟମ୍ ପାଇଁଁ ବୌଦ୍ଧ ପଠାଇଥିବା ବେଳେ ଦୁର୍ଘଟଣାକୁ ନେଇ ୧୬/୨୧ ରେ ଏକ ମାମଲା ରୁଜୁକରି ଅଧୀକ ତଦନ୍ତ ଜାରି ରଖିଛି ବୋଲି ହରଭଙ୍ଗା ଥାନା ଏଏସ୍ଆଇ ପ୍ରାଣବନ୍ଧୁ ସାହୁ ସୁଚନା ଦେଇଛନ୍ତି ।
