ବୌଦ୍ଧ,୯/୭: ଦୁଇଦିନ ହେଲାଣି ବୌଦ୍ଧଜିଲ୍ଲାରେ ସଂକ୍ରମଣ ଖସି ଏକକ ସଂଖ୍ୟାରେ ରହିଛି । ଆଜି ଜିଲ୍ଲାରୁୁ ୯ ପଜିଟିଭ ଚିହ୍ନଟ ହୋଇଥିବା ରାଜ୍ୟ ସୂଚନା ଓ ଲୋକସଂପର୍କ ବିଭାଗ ପକ୍ଷରୁ ସୂଚନା ଦିଆଯାଇଛି । ଜିଲ୍ଲା ସୂଚନା ଓ ଲୋକସଂପର୍କ ଅଧିକାରୀ ରୀତାକାନ୍ତି ବଳିଆର ସିଂଙ୍କ ସୂଚନା ଅନୁଯାୟୀ ଆଜି ବୌଦ୍ଧବ୍ଲକ ଓ ସହରାଞ୍ଚଳରୁ ଆକ୍ରାନ୍ତ ଶୂନ୍ୟ ଥିବାବେଳେ ହରଭଙ୍ଗା ବ୍ଲକ ବାଣୀଭୂଷଣପୁର ପଞ୍ଚାୟତ ଚାରିଛକ ଗ୍ରାମରୁ ୩ଜଣ, ଲୁଣିବାହାଲ ପଞ୍ଚାୟତ ଲୁଣିବାହାଲ ଗ୍ରାମରୁ ୨ଜଣ, ରାମଗଡ ପଞ୍ଚାୟତ ବୈକୁଣ୍ଠପୁର ଗ୍ରାମରୁ ଜଣେ, ସାଂପୋଚ ପଞ୍ଚାୟତ ରାମ୍ଭୀକଟା ଗ୍ରାମରୁ ଜଣେ ଆକ୍ରାନ୍ତ ଚିହ୍ନଟ ହୋଇଥିବାବେଳେ କଣ୍ଟମାଳ ବ୍ଲକର ଗୁଡଭେଲିପଦର ପଞ୍ଚାୟତ ବୁକୁରାମୁଣ୍ଡାରୁ ଜଣେ, ମନମୁଣ୍ଡା ପଞ୍ଚାୟତ ନୂର୍ପା ଗ୍ରାମରୁ ଜଣେ ଆକ୍ରାନ୍ତ ଚିହ୍ନଟ ହୋଇଛନ୍ତି । ଆଜିର ଆକ୍ରାନ୍ତଙ୍କୁ ମିଶାଇ ଆକ୍ରାନ୍ତଙ୍କ ସଂଖ୍ୟା ୧୨୩୪୯ରେ ପହଞ୍ଚିଛି ।
