ବୌଦ୍ଧ,୩ା୧୧: ବୌଦ୍ଧଜିଲ୍ଲା ସ୍କାଉଟ ଗାଇଡ ତରଫରୁ ହରଭଙ୍ଗା ବ୍ଲକ କୁସାଶିଙ୍ଗା ଗ୍ରାମରେ ଏକ କରୋନା ସଚେତନତା କାର୍ଯ୍ୟକ୍ରମ ଏବଂ ମାକ୍ସ ଓ ସାନିଟାଇଜର ବଣ୍ଟନ କାର୍ଯ୍ୟକ୍ରମ ହୋଇଯାଇଛି । ଏହି କାର୍ଯ୍ୟକ୍ରମରେ ବୌଦ୍ଧଜିଲ୍ଲା ଶାରୀରିକ ଶିକ୍ଷା ନିରୀକ୍ଷକ ଆନନ୍ଦ କୁମାର ବେହେରା, ସ୍କାଉଟ ଶିକ୍ଷକ ଶ୍ରୀକାନ୍ତ ଭୁୟାଁ, ତପନ ନାୟକ, ମଞ୍ଜିତ ମୋହନ ଚାନ୍ଦଙ୍କ ସହ ହରଭଙ୍ଗା ଉଚ୍ଚ ବିଦ୍ୟାଳୟର ବିଜ୍ଞାନ ଶିକ୍ଷକ ଜୀତେନ୍ଦ୍ର ଦେହୁରୀ, ଆଶାକର୍ମୀ ସରିତା ବିଶ୍ୱାଳ, ପ୍ରଧାନଶିକ୍ଷକ ନାରାୟଣ ବେହେରା, ସହକାରୀ ଶିକ୍ଷକ ବିଶ୍ୱନାଥ ସ୍ୱାଇଁ, ବିଜୟ କୁମାର ମହାକୁଡ, ଧୁମାସନ ଡାଳୁଆ, ଲଳିତ କୁମାର ସେଠୀଙ୍କ ଉପସ୍ଥିତିରେ ଗ୍ରାମବାସୀମାନଙ୍କୁ କରୋନା ଉପରେ ସଚେତନ କରାଯାଇଥିଲା । ଏଥିସହିତ ମାକ୍ସ ଓ ସାନିଟାଇଜର ମଧ୍ୟ ବଣ୍ଟନ କରାଯାଇଥିଲା ।
