ହରଭଙ୍ଗା,୨୨/୧୨:- ବ୍ୟବସାୟୀ ଅଶୋକ କୁମାର ସାହୁ( ୫୫)ଙ୍କ ହୃଦଘାତରେ ପରଲୋକ ହୋଇଥିବା ଜଣାପଡିଛି । ସୂଚନା ଅନୁଯାୟୀ କରଞ୍ଜକଟା ପଂଚାୟତ ଲକ୍ଷ୍ମଣପୁର ଗ୍ରାମ ନିବାସୀ ଅଶୋକ କୁମାର ସାହୁ ବାଣିଭୂଷଣପୁର ପଂଚାୟତ ଷ୍ଟଲ ଚାରିଛକ ଠାରେ ବହୁ ଦିନରୁ ଲୁଗାପଟା ବ୍ୟବସାୟ କରି ଆସୁଥିଲେ । ଆଜି ସକାଳେ ପ୍ରାତଃ ଭ୍ରମଣରୁ ଫେରିବାବେଳେ ତାଙ୍କ ଛାତିରେ ଯନ୍ତ୍ରଣା ଅନୁଭବ କରିଥିଲେ । ପରିବାର ଲୋକେ ତାଙ୍କୁ ସଙ୍ଗେ ସଙ୍ଗେ ପୁରୁଣାକଟକ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ଚିକିତ୍ସା ନେଇଥିଲେ । କିନ୍ତୁ ଡାକ୍ତର ସ୍ୱାସ୍ଥ୍ୟ ପରୀକ୍ଷା କରି ତାଙ୍କର ହୃଦଘାତ ଜନିତ ମୃତ୍ୟୁ ଘୋଷଣା କରିଥିଲେ । ଶ୍ରୀ ସାହୁଙ୍କ ପରଲୋକରେ ଚାରିଛକ ବଣିଜ ସଂଘ, ସ୍ୱ ପରିଜନ, ସାଙ୍ଗସାଥି ଶୋକ ପ୍ରକାଶ କରିଛନ୍ତି । ସେ ଜଣେ ମିଷ୍ଟଭାଷୀ, ମେଳାପୀ ଓ ପରୋପକାରୀ ଥିଲେ । ତାଙ୍କରି ବିୟୋଗରେ ଅଞ୍ଚଳରେ ଶୋକର ଛାୟା ଖେଳିଯାଇଛି ।
