ହରଭଙ୍ଗା,୧୯/୧:- ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ ପ୍ରଗଳପୁର ତସରା ଖେଳପଡିଆ ଠାରେ ବୁଦ୍ଧଦେବ କ୍ଳବ ତରଫରୁ ଅନୁଷ୍ଠିତ ହୋଇଥିବା ୫ମ ରାଜ୍ୟସ୍ତରୀୟ ଫୁଟବଲ ଟୁର୍ଣ୍ଣାମେଣ୍ଟର ଆଜି ଦ୍ୱିତୀୟ ଦିବସ ଖେଳ ଅନୁଷ୍ଠିତ ହୋଇଯାଇଛି । ଦ୍ୱିତୀୟ ଦିନର ଖେଳ ଜୟ ଦୁର୍ଗା କ୍ଳବ ଝାରସୁଗୁଡା ସହ ସୁଜିତ ଫୁଟବଲ କ୍ଳବ ଫୁଲବାଣୀ ମଧ୍ୟରେ ଅନୁଷ୍ଠିତ ହୋଇଥିଲା । ମ୍ୟାଚ ସଂଘର୍ଷପୂର୍ଣ୍ଣ ଥିବାବେଳେ ଦୁଇ ଦଳ ୧/୧ଗୋଲରେ ସମାନ ସ୍ଥିତିରେ ରହିଥିଲେ । ଫଳରେ ମୀମାଂସା ପାଇଁ ଟାଇବେକରର ସହୟତା ନିଆଯାଇଥିଲା । ଏଥିରେ ୪/୨ଗୋଲରେ ଝାରସୁଗୁଡା ବିଜୟୀ ହୋଇଥିଲା । ଆଜିର ମ୍ୟାଚରେ ମୁଖ୍ୟ ଅତିଥି ଭାବେ ରାମଗଡ ହାଇସ୍କୁଲ ଖେଳଶିକ୍ଷକ ଦାଶରଥି ଭୋଇ ଯୋଗଦେଇଥିବା ବେଳେ ସମ୍ମାନିତ ଅତିଥି ଭାବେ ପ୍ରଗଳପୁର ଗ୍ରାମ୍ୟ ସଭାପତି ବାସୁଦେବ ପ୍ରଧାନ, ପୂର୍ବତନ ସରପଞ୍ଚ ନରେଶ କୁମାର ସେଠୀ ଯୋଗ ଦେଇଥିଲେ । ଉକ୍ତ ଟୁର୍ଣ୍ଣାମେଣ୍ଟକୁ ବୁଦ୍ଧଦେବ କ୍ଳବର ସଦସ୍ୟଙ୍କ ସମେତ କ୍ଳବର ସମସ୍ତ ସଦସ୍ୟ ସହଯୋଗ କରିଥିଲେ ।
