ଜହ୍ନ ।ପଙ୍କ,୨୧/୧: ବୌଦ୍ଧ ବ୍ଳକ ବଢିଗାଁ ମା ଦୁର୍ଗା କ୍ଳବ ଆନୁକୂଲ୍ୟରେ ଷଷ୍ଠ ମା ଭୈରବୀ ଫୁଟବଲ ପ୍ରତିଯୋଗିତା ବଢ଼ିଗାଁ ଖେଳପଡିଆରେ ଆଜି ଦ୍ୱିତୀୟ ଦିନର ମ୍ୟାଚ ତାଳବାହାଲ ଓ ମୁଣ୍ଡାପଡ଼ା ମଧ୍ୟରେ ହୋଇଥିଲା । ଏଥିରେ ତାଳବାହାଲ ୧-୦ ଗୋଲରେ ବିଜୟୀ ହୋଇ ପ୍ରଥମ ଦଳ ଭାବେ ସେମି ଫାଇନାଲକୁ ଯାଇଛି । ଆଜିର ଖେଳକୁ ରେଫରୀ ପ୍ରହ୍ଲାଦ ଭୋକ୍ତା ପରିଚାଳନା କରିଥିବାବେଳେ ଲାଇନରେ ନିରଞ୍ଜନ ବଗର୍ତ୍ତିି ଓ ଶମ୍ଭୁ ପ୍ରସାଦ ସାହୁ ସହଯୋଗ କରିଥିଲେ । ଆଜିର ଖେଳରେ ମୁଖ୍ୟଅତିଥି ଭାବେ ବଢିଗାଁ ପଂଚାୟତର ସମିତିସଭ୍ୟ ସନ୍ତୋଷ କୁମାର ଭୋଇ ଓ ସମ୍ମାନିତ ଅତିଥି ଭାବେ ସୁରେଶ ପ୍ରଧାନ ଯୋଗଦେଇ ଖେଲାଳିଙ୍କୁ ଉତ୍ସ ।ହିତ କରିଥିଲେ । ଏହି ଫୁଟବଲ ପ୍ରତିଯୋଗିତାରେ ସମୁଦାୟ ୮ଟି ଦଳ ଅଁଶ ଗ୍ରହଣ କରିଛନ୍ତି । ୨୬ ତାରିଖରେ ଫାଇନାଲ ଖେଳ ଅନୁଷ୍ଠିତ ହେବ । ଚମ୍ପିୟାନ ଦଳକୁ ଟ୍ରଫି ସହିତ ୪ ହଜାର ଓ ରନର୍ସଅପ ଦଳକୁ ଟ୍ରଫି ସହ ୩ ହଜାର ଟଙ୍କା ପୁରସ୍କାର ରାଶି ପ୍ରଦାନ କରାଯିବାକୁ କମିଟି ପକ୍ଷରୁ କୁହାଯାଇଛି । ଏହି ଫୁଟବଲ ପ୍ରତିଯୋଗିତାରେ ମା ଦୁର୍ଗା କ୍ଳବର ସଭ୍ୟ ସୁବଳ ପାଢ଼ୀ, ଶୁଭ୍ରାଂଶୁ ଶେଖର ପାଣିଗ୍ରାହୀ, ସରୋଜ ପଟ୍ଟନାୟକ, ପଞ୍ଚାନନ ଭୋଇ, ରାକେଶ ପୂଜାରୀ ପ୍ରମୁଖ ସହଯୋଗ କରିଥିଲେ ।
