କଣ୍ଟାମାଳ, ୫/୯-ବୌଦ୍ଧଜିଲ୍ଲା କଣ୍ଟାମାଳବ୍ଳକ ନୂଆପାଲୀଠାରେ ମୋ ସ୍କୁଲ ଅଭିଯାନ ତରଫରୁ ବିଦ୍ୟାଳୟ ପରିସରରେ ଗୁରୁଦିବସ ଅବସରରେ ଗୁରୁସମ୍ମାନ ଉତ୍ସବ ଓ ତସ୍ମେ ଶ୍ରୀ ଗୁରୁବେ ନମଃ ଶୀର୍ଷକ ଆଲୋଚନାଚକ୍ର ଅନୁଷ୍ଠିତ ହୋଇଯାଇଛି । ଉତ୍ସବ ପ୍ରାରମ୍ଭରେ ବିଦ୍ୟାଳୟ ଛାତ୍ରଛାତ୍ରୀଙ୍କ ଦ୍ୱାରା ଗୁରୁ ବନ୍ଦନା କରାଯାଇ ଫୁଲ ଓ ଚନ୍ଦନ ଦେଇ ଆସୀନ କରାଯାଇଥିଲା । ମୋ ସ୍କୁଲ ଅଭିଯାନର ସଭାପତି ପ୍ରେମରାଜ ରଣାଙ୍କ ସଂଯୋଜନାରେ ଆୟୋଜିତ ଏହି କାର୍ଯ୍ୟକ୍ରମକୁ ବିଦ୍ୟାଳୟ ପ୍ରଧାନ ଶିକ୍ଷକ ଅନନ୍ତଚରଣ କ୍ଷେତି ଅଧ୍ୟକ୍ଷତା କରିଥିଲେ । ନିମନ୍ତ୍ରିତ ଅତିଥିଭାବେ ବିଦ୍ୟାଳୟ ପ୍ରତିଷ୍ଠାତା ବିଦ୍ୟାଧର ଧରୁଆ, କରୁଣାକର ସାହୁ, ବରିଷ୍ଠ ସାମ୍ବାଦିକ ତଥା ସାମାଜିକ ଅନୁଷ୍ଠାନ ପ୍ରଗତିର ଅଧ୍ୟକ୍ଷ ଦିବ୍ୟଶଙ୍କର ରାଉତ, ଶିକ୍ଷାବିତ ନୀଳାଞ୍ଚଳ ଭୋଇ, ବ୍ଲକ ଉପାଧ୍ୟକ୍ଷ ମହେନ୍ଦ୍ର ରଣା ପ୍ରମୁଖ ଯୋଗଦେଇ ଗୁରୁ ଶିଷ୍ୟ ପରମ୍ପରା ଉପରେ ଆଲୋକପାତ କରିବାସହ ଭାରତୀୟ ଶିକ୍ଷା, ସଂସ୍କୃତି ଉପରେ ସର୍ବପଲ୍ଲୀ ରାଧାକୃଷ୍ଣଙ୍କ ବିଚାରଧାରା ଉପରେ କହିବାସହ ଏଭଳି ଗୁରୁ ସମ୍ମାନ କାର୍ଯ୍ୟକ୍ରମ ଆମ ଆଗାମୀ ପିଢୀଙ୍କୁ ଯଥେଷ୍ଟ ମାତ୍ରାରେ ସଚେତନ କରିବ ବୋଲି ମତବ୍ୟକ୍ତ କରିଥିଲେ । ଏହି ଅବସରରେ ସ୍ୱତନ୍ତ୍ରଭାବେ ପ୍ରଗତି ଅନୁଷ୍ଠାନ ତରଫରୁ ଅବସରପ୍ରାପ୍ତ ଶିକ୍ଷକ ଶରତକୁମାର ସାହୁ, ଲିଙ୍ଗରାଜ ବଗର୍ତ୍ତୀ, ଗରିବ ଭୋଇ ଓ ବସନ୍ତକୁମାର ସାହୁଙ୍କୁ ଉପଢୌକନ ଓ ପ୍ରଶଂସା ପତ୍ର ଦେଇ ସମ୍ମାନୀତ କରାଯାଇଥିଲା । କାର୍ଯ୍ୟକ୍ରମର ସଫଳତା କାମନା କରି ଶିକ୍ଷକ ଅନନ୍ତଚରଣ ବେହେରା ଧନ୍ୟବାଦ ଦେଇଥିବା ବେଳେ କାର୍ଯ୍ୟକ୍ରମଟିକୁ ଶିକ୍ଷକ ଶଶିଭୂଷଣ ପ୍ରଧାନ, ହରିହର ବେଜ , ତରଣୀସେନ ରଣା, ଗୁରୁବାରୁ ଭୋଇ, ରାଧାକାନ୍ତ ରଣା, ଅଶ୍ୱିନୀ ରଣା ସମେତ ମୋ ସ୍କୁଲର ସଦସ୍ୟମାନେ ପରିଚାଳନା କରିଥିଲେ ।
