ବୌଦ୍ଧ : ଆଜି ସଂଧ୍ୟାରେ ଜାତୀୟ ରାଜପଥ ନଂ-୫୭ର ସାହାଜପାଲ ଓ ତେଲିବନ୍ଧ ଛକଠାରେ ଦୁଇଟି ପୃଥକ୍ ଦୁର୍ଘଟଣା ଘଟି ଦୁଇଜଣ ଗୁରୁତର ଆହତ ହୋଇଛନ୍ତି । ଉଭୟ ଦୁର୍ଘଟଣା ଘଟାଇଥିବା ଗାଡି ଦୁଇଟି ମଧ୍ୟ ଦୁର୍ଘଟଣାସ୍ଥଳରୁ ଫେରାର ହୋଇଯାଇଥିବା ଜଣାପଡିିଛି । ମିଳିଥିବା ସୂଚନା ଅନୁସାରେ ସଂଧ୍ୟା ପ୍ରାୟ ୭ଘଣ୍ଟା ବେଳେ ଝଡତୋଫାନ ଓ କୁଆପଥର ବର୍ଷା ଚାଲିଥିବା ବେଳେ ଏକ ମାକ୍ସ ପିକଅପ୍ ତେଲିବନ୍ଧ ଛକଠାରେ ସେହି ଗ୍ରାମର ଜଣେ ବୃଦ୍ଧାଙ୍କୁ ଧକ୍କା ଦେଇ ଚାଲିଯାଇଥିଲା । ସେହିପରି ସେଠାରୁ ୫ କିଲୋମିଟର ଦୂର ଜାତୀୟ ରାଜପଥ ନଂ ୫୭ର ସାହାଜପାଲ ଛକ ନିକଟରେ ଜଣେ ବାଇକ୍ ଆରୋହୀଙ୍କୁ ଧକ୍କା ଦେଇ ଏକ ଟ୍ରକ ଘଟଣା ସ୍ଥଳରୁ ଫେରାର ହୋଇଯାଇଥିଲା । ବାଇକ ଚାଳକ ମୁଣ୍ଡରେ ହେଲମେଟ୍ ପିନ୍ଧିଥିବାରୁ ଅଳ୍ପକେ ରକ୍ଷା ପାଇଯାଇଥିଲେ । ତାଙ୍କ ଘର ମନମୁଣ୍ଡା ଥାନା ବିଳାସପୁର ଅଂଚଳରେ ବୋଲି ଜଣାପଡିଛି । ଉଭୟ ଦୁର୍ଘଟଣାର ଆହତଙ୍କୁ ବୌଦ୍ଧ ଡାକ୍ତରଖାନାରେ ଭର୍ତ୍ତି କରାଯାଇଥିବା ଜଣାପଡିଛି ।
