ଦାରିଙ୍ଗବାଡ଼ି ୧୩।୧୧ : ଦାରିଙ୍ଗବାଡ଼ି ଥାନା ପୁଲିସ ୩୯.୫ କିଲୋ ଗଞ୍ଜେଇ ଜବତ କରିବା ସହ ଏକ ହୁଣ୍ଡାଇ କାର ଜବତ କରି ଜଣେ ନାବାଳକକୁ ଗିରଫ କରି ଫୁଲବାଣୀ ଜୁଭେନାଇଲ ଜଷ୍ଟିସ ବୋର୍ଡରେ ହାଜର କରାଯାଇଥିବା ଦାରିଙ୍ଗବାଡ଼ି ଥାନା ଅଧିକାରୀ କୌଶିକ ମାଝୀ ସୂଚନା ଦେଇଛନ୍ତି । ସୂଚନା ପ୍ରକାରେ ବାଲିଗୁଡା ଥାନା ଅଂଚଳର ଜଣେ ନାବାଳକ ଏକ ହୁଣ୍ଡାଇ କାର ଯୋଗେ ମହାସିଙ୍ଗି ଅଞ୍ଚଳରୁ ବ୍ରହ୍ମପୁର ଅଂଚଳକୁ ଗଞ୍ଜେଇ ଚାଲାଣ କରୁଥିବା ବେଳେ ପୋଲିସ ବିଶେଷ ସୂତ୍ରରୁ ସୂଚନା ପାଇ ଥାନା ଅଧିକାରୀ କୌଶିକ ମାଝୀଙ୍କ ନେତୃତ୍ୱ କ୍ରମେ ଏସଆଇ ସୌମ୍ୟକାନ୍ତ ପଣ୍ଡା ସହ ପୋଲିସ ଫୋର୍ସ ଡବେରୀ ନିକଟ ଆମ୍ବଘାଟି ରାସ୍ତାରେ ଚଢ଼ଉ କରି ଗଞ୍ଜେଇ ସହ କାରକୁ ଜବତ କରିବା ସହ ନାବାଳକକୁ ଗିରଫ କରିଥିଲେ ।
