ଫୁଲବାଣୀ : ଫୁଲବାଣୀ ବ୍ଲକ ଅନ୍ତର୍ଗତ ଗୁମାଗଡଠାରେ ମଙ୍ଗଳବାର ସନ୍ଧ୍ୟାରେ ଏକ ଅଭାବନୀୟ ଘଟଣା ଘଟିଛି । ଟିକାବାଲି ପଟୁ ଆସୁଥିବା ଏକ ନାଲି ରଙ୍ଗର କାର ଭାରସାମ୍ୟ ହରାଇ ଏକ ଚିକେନ ଦୋକାନ ଭିତରେ ପଶି ଯାଇଛି । ଉକ୍ତ ଦୁର୍ଘଟଣାରେ କାହାର ବିଶେଷ କିଛି କ୍ଷତି ହୋଇନଥିବା ଜଣାପଡିଛି । କାରରେ ବସିଥିବା ଲୋକଙ୍କର ଅଳ୍ପ ଆଘାତ ଲାଗିଥିବା ବେଳେ କାରର ସମ୍ମୁଖ ଭାଗ ବାଡେଇ ହୋଇ ଅଳ୍ପ ଭାଙ୍ଗି ରୁଜି ଯାଇଛି । ଚିକେନ ଦୋକାନୀ ଅଳ୍ପକେ ରକ୍ଷା ପାଇଯାଇଛନ୍ତି । ଦୋକାନ ଘରଟି ଭାଙ୍ଗି ଯାଇଛି । କନ୍ଧମାଳ ଜିଲ୍ଲାରେ ପ୍ରତିଦିନ ସଡକଦୁର୍ଘଟଣା ଓ ଗାଡି ଦୁର୍ଘଟଣା ଘଟି ବହୁ ଧନଜୀବନ ନଷ୍ଟ ହେଉଛି । ଫୁଲବାଣୀ ବିଧାୟକ ପ୍ରତିନିଧି ନିଳାମ୍ବର କହଁର ଘଟଣା ସ୍ଥଳରୁ ଦୁର୍ଘଟଣାରୁ ବର୍ତ୍ତିଯାଇଥିବା ଲୋକଙ୍କ ଚିକିତ୍ସା ପାଇଁ ଗୁମାଗଡ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ନେଇଥିଲେ ।
