ଚମ୍ପୁଆ,୨୨ା୭: ଚମ୍ପୁଆରେ ନୂତନ ଏସ୍.ଡି.ପି.ଓ ଭାବେ ବିଜୟ କୁମାର ମଲ୍ଲିକ ଯୋଗ ଦେଇଛନ୍ତି । ଏସ୍.ଡି.ପି.ଓ ରାମରାୟ ମୁର୍ମୁଙ୍କର ରାଉରକେଲା ବଦଳି ପରେ ଚମ୍ପୁଆରେ ଶ୍ରୀ ମଲ୍ଲିକ ଯୋଗ ଦେଇ କାର୍ଯ୍ୟ ଭାର ସମ୍ଭାଳିଛନ୍ତି । ଶ୍ରୀ ମଲ୍ଲିକ କଟକ ଜିଲ୍ଲା ନିଆଳି ଥାନାରେ ଇନିସପେକ୍ଟର ଭାବେ କାର୍ଯ୍ୟ ତୁଲାଇ ଆସୁଥିଲେ । ସେ ପଦୋନ୍ନତି ପାଇ ଚମ୍ପୁଆରେ ଯୋଗ ଦେବା ଏବଂ ସ୍ଥାନୀୟ ଅଂଚଳର ଆଇନ ଶୃଙ୍ଖଳା ପରିସ୍ଥିତି ଉପରେ ଗୁରୁତ୍ୱ ଦିଆଯିବା ସହିତ ଅପରାଧିଙ୍କ କାର୍ଯ୍ୟକଳାପକୁ ଦୃଢହସ୍ତରେ ଦମନ କରାଯିବ ବୋଲି ସୂଚନା ଦେଇଛନ୍ତି । ଚମ୍ପୁଆ ଏକ ଉପାନ୍ତ ଅଂଚଳ ହୋଇଥିବା ବେଳେ ଅନେକ ସମୟରେ ଅପରାଧ ଘଟାଇ ଅପରାଧିମାନେ ଝାରଖଣ୍ଡରୁ ଚମ୍ପୁଆ ଓ ଚମ୍ପୁଆରୁ ଝାରଖଣ୍ଡ ଆଦିକୁ ପଳାଇଥାନ୍ତି । ଏହି ସମ୍ବେଦନଶୀଳ ସମସ୍ୟା ଉପରେ ପ୍ରାଥମିକତା ଦିଆଯିବା ସହିତ ଦୈନନ୍ଦିିନ ଘଟୁଥିବା ଦୁର୍ଘଟଣାକୁ ପ୍ରଶମିତ କରିବାପାଇଁ ଜନସାଧାରଣଙ୍କର ସହଯୋଗ କାମନା କରିଥିଲେ । ଚମ୍ପୁଆ ଏସ୍.ଡି.ପି.ଓଙ୍କ ଅଧିନରେ ଚମ୍ପୁଆ, ଝୁମ୍ପୁରା, ବାରିଆ ଓ ତୁରୁମୁଙ୍ଗା ଥାନା ସହିତ ରିମୁଳି ଫାଣ୍ଡି ରହିଥିବା ଏବଂ ଏମାନଙ୍କ ଅଧିନରେ ଥିବା ଜନସାଧାରଣଙ୍କୁ କୁ ସଂସ୍କାର, ଗୁଣିଗାରେଡି ଆଦି ସମସ୍ୟାରୁ ଦୂରେଇ ରହିବାକୁ ସୂଚନା ଦେଇଛନ୍ତି ।
