ବୌଦ୍ଧ : କଂଗ୍ରେସ ଦଳର ରାଷ୍ଟ୍ରୀୟ ନେତା ଶ୍ରୀ ରାହୁଲ ଗାନ୍ଧୀଙ୍କ ଜନ୍ମ ଦିବସ ଅବସରରେ ଆଜି ବିଭିନ୍ନ ଖାଦ୍ୟ ସାମଗ୍ରୀ ସହିତ ବିଶୋଧକ ସାମଗ୍ରୀ ବଣ୍ଟନ କରାଯାଇଛି । ବରିଷ୍ଠ କଂଗ୍ରେସ ନେତା ନବ ମିଶ୍ରଙ୍କ ଦ୍ୱାରା ଗରୀବ ଲୋକଙ୍କୁ ଖାଦ୍ୟ ସାମଗ୍ରୀ ଓ ମାସ୍କ, ସାବୁନ ଏବଂ ସାନିଟାଇଜର ବଣ୍ଟନ କରାଯାଇଥିଲା । ଉକ୍ତ କାର୍ଯ୍ୟକ୍ରମରେ ପୂର୍ବତନ ସରସରା ସରପଞ୍ଚ ପଙ୍କଜ କୁମାର କର୍ଣ୍ଣ, ୭ ନଂ ଜିଲ୍ଲା ପରିଷଦ ଜୋନ ସଭାପତି ପୌଲସ୍ତି ପ୍ରଧାନ, ଜିଲ୍ଲା କଂଗ୍ରେସ ସଂପାଦକ ପ୍ରଦୀପ ଦାସ, ପୂର୍ବତନ କାଉନସିଲର ଶିବଚରଣ ବେହେରା, ପୂର୍ବତନ ମଥୁରା ସମିତି ସଭ୍ୟ ବୁଦ୍ଧଦେବ ପ୍ରଧାନ, ଭବାନୀ ବିଶ୍ୱାଳ, ବନ୍ଧାପଥରର ପୂର୍ବତନ ସରପଞ୍ଚ ବେଣୁଧର ମେହେର, ସମରେଶ ମିଶ୍ର, ରମାକାନ୍ତ ଦଳେଇ, ହୃଷିକେଶ ସାହୁ ପ୍ରମୁଖ ଉପସ୍ଥିତ ଥିଲେ ।
