ମମିତା ହତ୍ୟାକାଣ୍ଡ ମାମଲାରେ ମନ୍ତ୍ରୀ ଦିବ୍ୟଶଙ୍କରଙ୍କ ବିରୁଦ୍ଧରେ କନ୍ଫ୍ଲିକ୍ସ ଅଫ-ଇଣ୍ଟରେଷ୍ଟର ପ୍ରମାଣ ଦେଲା କଂଗ୍ରେସ
ଭୁବନେଶ୍ୱର : ମମିତା ମେହେର ହତ୍ୟାକାଣ୍ଡ ମାମଲାରେ ମନ୍ତ୍ରୀ ଦିବ୍ୟଶଙ୍କରଙ୍କ ମିଡିଆରେ ବାହାସ୍ପୋଟର ଜବାବ ରଖିଛି ପ୍ରଦେଶ କଂଗ୍ରେସ । ପ୍ରମାଣ ଦିଅ ଦଳ ବୋଲି ଯେଉଁ ଆହ୍ୱାନ ବିରୋଧୀ ଓ ଗଣମାଧ୍ୟମକୁ ବିଜୁ ଜନତା ଦଳ ଓ ମନ୍ତ୍ରୀ ଦିବ୍ୟଶଙ୍କର ମିଶ୍ରଙ୍କ ପକ୍ଷରୁ ଦିଆଚାଲିଛି ତାହାର ଲେଖାଯୋଖା ଜବାବ ପ୍ରଦେଶ କଂଗ୍ରେସ ସାଧାରଣ ସଂପାଦକ ସତ୍ୟପ୍ରକାଶ ନାୟକ ରଖିଛନ୍ତି ।
କଂଗ୍ରେସ ଭବନଠାରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ବରିଷ୍ଠ ନେତା ସତ୍ୟପ୍ରକାଶ ନାୟକ ମନ୍ତ୍ରୀ ଦିବ୍ୟ ଶଙ୍କର ମିଶ୍ରଙ୍କ ବିରୁଦ୍ଧରେ କନ୍ଫ୍ଲିକ୍କ- ଅଫ- ଇଂଟରେଷ୍ଟ ର ସାଙ୍ଘାତିକ ଅଭିଯୋଗ ଆଣିଛନ୍ତି । ଗୋଟିଏ ପଟେ ଦିବଶ୍ୟଙ୍କର ମିଶ୍ର ହେଉଛନ୍ତି ମହାଲିଙ୍ଗ କଲେଜ ଓ ସନ୍ସାଇନ ହାଇସ୍କୁଲର ମୁଖ୍ୟ ପୃଷ୍ଠପୋଷକ ଗୋବିନ୍ଦ ସାହୁଙ୍କର ଘନିଷ୍ଠ । ଗୋବିନ୍ଦ ସାହୁଙ୍କୁ ମଧ୍ୟ ଜୁନାଗଡ଼ ବିଜେଡ଼ିରେ ମନ୍ତ୍ରୀଙ୍କର ରାଜନୈତିକ ସହଯୋଗୀ । ଅନ୍ୟପଟେ ମନ୍ତ୍ରୀଙ୍କ ନାଁରେ ଅଭିଯୋଗ ହେଉଛି ଯେ ଗୋବିନ୍ଦ ସାହୁଙ୍କ ପରୋକ୍ଷ ଏବଂ ପତ୍ୟୋକ୍ଷ ଭାବରେ ଦିବ୍ୟଶଙ୍କର ମିଶ୍ର ଏହି ଅପରାଧରେ ଖସିଯିବାକୁ ସହାୟତା କରିଛନ୍ତି । ନିଜେ ମନ୍ତ୍ରୀ ଅଭିଯୁକ୍ତ ସେପଟେ ଯେଉଁ ସଂସ୍ଥା ବା ବିଭାଗ ଏହାର ତଦନ୍ତ କରୁଛି ତାହାର ମୁଖ୍ୟ ହେଉଛନ୍ତି ଖୋଦ ଦିବ୍ୟଶଙ୍କର ମିଶ୍ର ବୋଲି ସତ୍ୟ ନାୟକ ଅଭିଯୋଗ କହଛନ୍ତି । ମନ୍ତ୍ରୀ ପ୍ରମାଣ ମାଗୁଛନ୍ତି ଗୋବିନ୍ଦ ସାହୁଙ୍କ ସଂସ୍ଥା ସହ ସେଭଳି କୌଣସି ସଂପର୍କ ନାହିଁ । ମହାଲିଙ୍ଗ କଲେଜର ଅଫିସିଆଲ ୟ୍ୟୁଟୁବ୍ ଚ୍ୟାନେଲରେ ସଂସ୍ଥାର ମୁଖ୍ୟ ନିଜେ କହୁଛନ୍ତି ଯେ ମନ୍ତ୍ରୀ ଦିବ୍ୟ ଶଙ୍କର ପ୍ରତ୍ୟେକ ମାସ ଏହି ସଂସ୍ଥାକୁ ଆସୁଥିଲେ । ଦ୍ୱିତୀୟରେ କଲେଜର ସଭାସମିତି ପାଇଁ ମନ୍ତ୍ରୀ ଦିବ୍ୟ ଶଙ୍କର ନିଜେ ଗେଷ୍ଟ କୋଅର୍ଡିନେଟର ଭାବରେ କାର୍ଯ୍ୟ କାହିଁକି କରୁଥିଲେ ବୋଲି ପ୍ରଶ୍ନ କରିଛନ୍ତି ସତ୍ୟ ନାୟକ ।
ଯେ କୌଣସି ଏକ ସଂଗୀନ ଅପରାଧରେ ଯାହା ବିରୁଦ୍ଧରେ ଅଭିଯୋଗ ଆସିବ ଆଇନ ଅନୁଯାୟୀ ପୋଲିସ ସେ ବ୍ୟକ୍ତି ବିରୁଦ୍ଧରେ ତଦନ୍ତ କରାଯିବା ସହ ପଚରାଉଚୁରା କରିବା କଥା । ମମିତା ମେହର ଘଟଣାରେ କଂଗ୍ରେସର ବିଧାୟକ ଦଳ ନେତା ଶ୍ରୀଯୁକ୍ତ ନରସିଂହ ମିଶ୍ରଙ୍କ ଠାରୁ ଆରମ୍ଭ କରି ବିଧାୟକ ଶ୍ରୀଯୁକ୍ତ ସନ୍ତୋଷ ସିଂହ ସାଲୁଜାଙ୍କ ପର୍ଯ୍ୟନ୍ତ ମନ୍ତ୍ରୀଙ୍କ ସଂପୃକ୍ତି ସଂପର୍କରେ ବିଧିବଦ୍ଧ ଅଭିଯୋଗ କରିଛନ୍ତି । ତାଛଡ଼ା ରାୟପୁର ସ୍ଥିତ ମନ୍ତ୍ରୀଙ୍କ ବାସଭବନରେ ମମିତା- ଗୋବିନ୍ଦ ସାହୁ ଓ ଦିବ୍ୟଶଙ୍କରଙ୍କ ବୈଠକ ସଂପର୍କରେ ମଧ୍ୟ ଅଭିଯୋଗ ହୋଇଛି । ଯଦି ମନ୍ତ୍ରୀ କହୁଛନ୍ତି ଏହା ମିଛ ତେବେ ତିନି ଜଣଙ୍କର ଟେଲିଫୋନ ସିଡିଆର ଏବଂ ଏମାନଙ୍କ ଫୋନ୍ର ଟାୱାର ପୋଜିସନ କାହିଁକି ପୋଲିସ ସାର୍ବଜନୀନ କରୁନାହିଁ ବୋଲି ସତ୍ୟ ପ୍ରକାଶ ଅଭିଯୋଗ କରିଛନ୍ତି ।
ମନ୍ତ୍ରୀ ଅଭିଯୋଗରୁ ବଂଚିବା ପାଇଁ ବାୟୁସେନାର ଦ୍ୱାହି ଦେଇଛନ୍ତି । ଯଦି ମନ୍ତ୍ରୀଙ୍କ ଦେହରେ ପୌଜିର ରକ୍ତ ପ୍ରବାହିତ ତାହାହେଲେ ମନ୍ତ୍ରୀ ପଦର ଗାରିମାକୁ ଉପଲବ୍ଧି କରି ନିଜକୁ ନିର୍ଦ୍ଦୋଶ ପ୍ରମାଣିତ କଲାଯାଏ ମନ୍ତ୍ରୀ ମଣ୍ଡଳରୁ ଇସ୍ତଫା ଦିଅନ୍ତୁ । ନଚେତ ଲୋକେ କହିବେ ଦିବ୍ୟ ଶଙ୍କର ଫୌଜି ନୁହେଁ ଫର୍ଜି ବୋଲି କହିଛନ୍ତିି ସତ୍ୟ ପ୍ରକାଶ ନାୟକ ।
ମନ୍ତ୍ରୀଙ୍କୁ ଏଯାଏଁ ତଦନ୍ତ ପରସରଭୁକ୍ତ ନ କରିବାର ଅର୍ଥ ସରକାର ମମିତା ହତ୍ୟାକାଣ୍ଡ ମାମଲାରେ ଦିବ୍ୟଶଙ୍କରଙ୍କ ସଂପୃକ୍ତିର ପ୍ରମାଣକୁ ନଷ୍ଟ କରିବାପାଇଁ ପ୍ରୟାସ କରୁଛନ୍ତି ବୋଲି ଅଭିଯୋଗ କରିଛନ୍ତି ସତ୍ୟ ନାୟକ । ଅଭିଯୁକ୍ତ ଗୋବିନ୍ଦ ସାହୁ ଜଂଗଲଜମି ଜୋର ଜବରଦସ୍ତ ଅଧିଗ୍ରହଣ କରି ଫାର୍ମ ହାଉସ କରିଥିବା ବେଳେ ମନ୍ତ୍ରୀ ଏହାର ପ୍ରତିବାଦ ନକରି ତା ସହ ଓ ତା ସଂସ୍ଥାସହ ଘନିଷ୍ଠତା କାହିଁକି ବଢ଼େଇଦେଲେ ବୋଲି କଂଗ୍ରେସ ପ୍ରଶ୍ନ କରିଛି ।
କଂଗ୍ରେସର ସନ୍ଦେହ ଯେ ଯଦି ରାୟପୁରରେ ବୈଠକ ହୋଇଛି ତାହାଲେ ମନ୍ତ୍ରୀଙ୍କର ନିଶ୍ଚିତ ଭାବରେ କିିଛି ଗୁରୁତ୍ୱର ପ୍ରମାଣ ମମିତା ପାଖରେ ଥିଲା ଯାହାଙ୍କୁ ନଷ୍ଟ କରିବା ପାଇଁ ସେ ମିଂଟିର ଆୟୋଜନ କରାଯାଇଥିଲା । ଏଥିପାଇଁ ମନ୍ତ୍ରୀ ଦିବ୍ୟଶଙ୍କରଙ୍କୁ ତଦନ୍ତ ପରିସରଭୁକ୍ତ କରାଯାଇ ୩୦୨ ଦଫାରେ ମାମଲା ରୁଜୁ କରାଯାଉ ବୋଲି ବରିଷ୍ଠ ନେତା ଯଜେ୍ଞଶ୍ୱର ବାବୁ କହିଛନ୍ତି । ଏହି ସାମ୍ବାଦିକ ସମ୍ମିଳନୀରେ ମୁଖପାତ୍ର ରଜନୀ ମହାନ୍ତି, ପିସିସି ସାଧାରଣ ସଂପାଦକ ଚିନ୍ମୟ ସୁନ୍ଦର ଦାସ, ପିସିସି ଗଣମାଧ୍ୟମ ସଂଯୋଜକ ଦୀପକ କୁମାର ମହାପାତ୍ର ଉପସ୍ଥିତ ଥିଲେ ।
