କୋକସରା: କଳାହାଣ୍ଡି ଜିଲ୍ଲା କୋକସରା ବ୍ଲକ ଜାତୀୟ ରାଜପଥ ୨୬ କୁସୁମଖୁଣ୍ଟି ମିନିଷ୍ଟାଡିଅମ ଠାରେ ନୀଳକଣ୍ଠେଶ୍ୱର କ୍ରିକେଟ କ୍ଳବ ଆନୁକୂଲ୍ୟରେ ରବିବାର ନୀଳକଣ୍ଠେଶ୍ୱର ନକ ଆଉଟ କ୍ରିକେଟ ଟୁର୍ଣ୍ଣାମେଣ୍ଟ ଉଦଘାଟିତ ହୋଇଛି । ଉଦଘାଟନି ଉତ୍ସବରେ ମୁଖ୍ୟ ଅତିଥି ଭାବେ ଜିଲ୍ଲା ବିଜେଡି ଏସଟି ସେଲ ସଭାପତି ଇଂ. ସୁଶୀଲ କୁମାର ଶବର ଯୋଗଦେଇ ଟୁର୍ଣ୍ଣାମେଣ୍ଟର ଉଦଘାଟନ କରିଥିଲେ । ସମ୍ମାନୀତ ଅତିଥି ଭାବେ ପରମାନନ୍ଦ ଧଙ୍ଗଡାମାଝି ଯୋଗ ଦେଇ ଖେଳାଳି ଓ ଦର୍ଶକଙ୍କୁ ଉତ୍ସାହିତ କରିଥିଲୋ ଉଦଘାଟନୀ ମ୍ୟାଚ ମହିଚାଳ ବୁଢାରଜା ଓ ଧନସରା ଏକାଦଶ ମଧ୍ୟରେ ଖେଳ ଅନୁଷ୍ଠିତ ହୋଇଥିଲା । ପ୍ରଥମେ ଧନସରା ବ୍ୟାଟିଂ କରି ୧୦ ଓଭରରେ ୭ ଉଇକେଟ ହରେଇ ୧୦୩ ରନ କରିଥିଲା, ଜବାବରେ ମହିଚଲା ଏକାଦଶ ୩ ଉଇକେଟ ହରେଇ ୭ ଓଭରରେ ନିର୍ଦ୍ଧାରିତ ଲକ୍ଷ୍ୟ ହାସଲ କରି ବିଜୟୀ ହୋଇଥିଲା । ଆଜିର ଖେଳକୁ ବରିଷ୍ଠ ଖେଳାଳୀ ହିରଣ୍ୟ ବେହେରା ଓ ଦୟାନିଧି କର ପରିଚାଳନା କରିଥିଲେ । ରାଜା ବାଗ ଖେଳ ପ୍ରତ୍ୟକ୍ଷ ଧାରାବିବରଣୀ ପ୍ରଦାନ କରିଥିବା ବେଳେ ମହେନ୍ଦ୍ର ମଙ୍ଗରାଜ ସ୍କୋର ବୋର୍ଡ ସମ୍ଭାଳି ଥିଲେ । ନୀଳକଣ୍ଠେଶ୍ୱର କ୍ରିକେଟ କମିଟିର ଦେଭ ପୁଝାରୀ, କିଶୋର ରେଡି, ବିଶ୍ୱଜିତ, ବାଦଲ, ବିକି, ଭାରତ, ବବଲୁ, ରକି,ବିକି, ପର୍ଶୁ, ନରେନ୍ଦ୍ର ସମେତ ଅନୁଷ୍ଠାନର ସମସ୍ତ ସଦସ୍ୟ ସହଯୋଗ କରିଥିଲେ ।
