ଦାରିଙ୍ଗବାଡି,୭/୫: ବୁଧବାର ଦିନ ସିମନବାଡି ବଜାରଠାରେ ଆରମ୍ଭହେଲା ଷ୍ଟେଟ ବ୍ୟାଙ୍କ ଏଟିଏମ ସେବା । ସିମନବାଡି ଷ୍ଟେଟ ବ୍ୟାଙ୍କର ଶାଖା ପରିଚାଳକ ବିରେନ ମିତ୍ର ପ୍ରଧାନ, କ୍ୟାସିଅର ଦେବେଶ୍ୱର କହଁର, କର୍ମଚାରୀ ଦୀପକ ସାହୁ ପ୍ରମୁଖଙ୍କ ଉପସ୍ଥିତିରେ ଏଟିଏମର ଶୁଭାରମ୍ଭ ହୋଇଥିଲା । ସିମନବାଡି ବଜାର ଦାରିଙ୍ଗବାଡି ବ୍ଲକ ଅଂଚଳର ଏକ ପ୍ରମୁଖ ବଜାର । ଉକ୍ତ ବଜାର ଉପରେ କିରୀକୁଟି, ବାଡାବାଙ୍ଗା, ବୁଡାଗୁଡ଼ା, ତିଲୋରୀ, ଗୁମିକିଆ, ଶ୍ରାନିକେତା ପଞ୍ଚାୟତର ବହୁ ଲୋକ ନିର୍ଭର କରୁଥିବା ବେଳେ ଲୋକଙ୍କ ପାଇଁ ଏଟିଏମ ସେବା ନଥିବା ଯୋଗୁଁ ଟଙ୍କା ଉଠାଣ ନିମନ୍ତେ ଲୋକେ ବହୁ ଖର୍ଚ୍ଚାନ୍ତ ହୋଇ ଦାରିଙ୍ଗବାଡି ଏଟିଏମ ଉପରେ ନିର୍ଭର କରୁଥିଲେ । କିନ୍ତୁ ଏବେ ଏହି ଏଟିଏମ ବସିବା ଫଳରେ ଲୋକେ ନିକଟରେ ବ୍ୟାଙ୍କ ସେବା ପାଇପାରିଛନ୍ତି ।
