ସାମ୍ବାଦିକ ଅରିନ୍ଦମ ଦାସ ଏବଂ ସୀତାରାମ ମୁର୍ମୁଙ୍କ ଅକାଳ ବିୟୋଗରେ ସିମନବାଡ଼ି ଗ୍ରାମବାସୀଙ୍କ ତରଫରୁ ଶୋକ ପ୍ରକାଶ
ଦାରିଙ୍ଗବାଡି,୨୭/୯: ଦିବଙ୍ଗତ ଯୁବ ସାମ୍ବାଦିକ ଅରିନ୍ଦମ ଦାସ ଏବଂ ଓଡ୍ରାଫ ଟିମ୍ର ଅଣ୍ଡର ୱାଟର ଏକ୍ସପର୍ଟ ସୀତାରାମ ମୁର୍ମୁଙ୍କ ଅକାଳ ବିୟୋଗରେ ଦୁହିଁଙ୍କ ଅମର ଆତ୍ମାର ସଦଗଦି ନିମନ୍ତେ ସିମନବାଡ଼ି ଗ୍ରାମବାସୀ ମାନଙ୍କ ତରଫରୁଏକ ଶୋକସଭା କରାଯାଇ ଅଶ୍ରୁଳ ଶ୍ରଦ୍ଧାଞ୍ଜଳି ଅର୍ପଣ କରାଯାଇଛି । ଗ୍ରାମବାସୀଙ୍କ ସମେତ ଯୁବକମାନେ ଅରିନ୍ଦମଙ୍କ ସାହସିକତା ଓ ନିର୍ଭୀକ ଭାବରେ ନ୍ୟୁଜ୍ କିପରି ଭାବରେ ପ୍ରସାରିତ କରୁଥିଲେ ସେ ସମ୍ପର୍କରେ ଆଲୋଚନା କରିଥିଲେ । ଗ୍ରାମବାସୀମାନେ ସ୍ୱର୍ଗତ ଅରିନ୍ଦମ ଦାସ ଏବଂ ସୀତାରାମ ମୁର୍ମୁଙ୍କ ଫଟୋ ଚିତ୍ରରେ ପୁଷ୍ପମାଲ୍ୟ ଅର୍ପଣ ଓ ଦୀପ ପ୍ରଜ୍ୱଳନ ସହ ଶ୍ରଦ୍ଧାସୁମନ ଅପର୍ଣ କରି ତାଙ୍କ ଆତ୍ମାର ସତଗତି ନିମନ୍ତେ ଦୁଇ ମିନିଟ ନିରବ ପ୍ରାର୍ଥନା କରିଥିଲେ । ଅରିନ୍ଦମ ଦାସଙ୍କ ଅକାଳ ବିୟୋଗ ସାମ୍ବାଦିକ ଜଗତରେ ଏକ ଅପୂରଣୀୟ କ୍ଷତି ଘଟିଛି ବୋଲି ଗ୍ରାମବାସୀମାନେ ମତବ୍ୟକ୍ତ କରିଥିଲେ । କାର୍ଯ୍ୟକ୍ରମରେ ସିମନବାଡ଼ି ଗ୍ରାମର ଅରୁଣ କୁମାର ସାହୁ, ଚିତ୍ତରଞ୍ଜନ ପ୍ରଧାନ, ଅମରେନ୍ଦ୍ର ପ୍ରଧାନ, ରାକେଶ କୁମାର ସାହୁ, ବିନୋଦ କୁମାର ସାହୁ ,ଅଶ୍ୱିନ କୁମାର ସାହୁ, ସରୋଜ କୁମାର ସାହୁ, ପ୍ରଦୀପ ସାହୁଙ୍କ ସମେତ ଗ୍ରାମବାସୀମାନେ ଉପସ୍ଥିତ ରହିଥିଲେ ।
