ଦାରିଙ୍ଗବାଡି,୧୪/୩-: କନ୍ଧମାଳ ଜିଲ୍ଲା ଦାରିଙ୍ଗବାଡି ବ୍ଲକ ଅନ୍ତର୍ଗତ ବୁଡାଗୁଡ଼ା ଗ୍ରାମପଞ୍ଚାୟତକୁ ଜି.ଉଦୟଗିରି ବିଧାୟକ ସାଲୁଗା ପ୍ରଧାନ ଗସ୍ତକରି ବିଭିନ୍ନ ପ୍ରକଳ୍ପର ଶୁଭ ଉଦଘାଟନ କରିଛନ୍ତି । ଉକ୍ତ ଗ୍ରାମପଞ୍ଚାୟତର ବୁଡାଗୁଡ଼ା ଅଙ୍ଗନବାଡ଼ି ଗୃହ, ନେଡିପାଙ୍ଗା ଅଙ୍ଗନବାଡ଼ି ଗୃହ ଓ ବୁଡାଗୁଡ଼ା ମହିଳା ମିଶନ ଶକ୍ତି ଗୃହ ଓ ସଭାଗୃହ ଓ ବଉଦୁଙ୍ଗିଆ ଗ୍ରାମର ଅଙ୍ଗନବାଡ଼ି ଗୃହ ଓ ନୂତନ ଉଚ୍ଚ ବାଳିକା ବିଦ୍ୟାଳୟର କୋଠାର ଶୁଭ ଉଦଘାଟନ କରିଥିଲେ । ଏହାପରେ ବିଧାୟକ ବୁଡ଼ାଗୁଡାରେ ଆୟୋଜିତ ବିଜେଡିର ମିଶ୍ରଣ ପର୍ବରେ ଯୋଗ ଦେଇଥିଲେ । ଏହି ମିଶ୍ରଣ ପର୍ବ ବୈଠକରେ ତାତୁରା ପ୍ରଧାନ ସଭାପତିତ୍ୱ କରିଥିଲେ । ଏଥିରେ ମୁଖ୍ୟଅତିଥି ଭାବେ ଜି. ଉଦୟଗିରି ବିଧାୟକ ସାଲୁଗା ପ୍ରଧାନ ଯୋଗ ଦେଇଥିବା ବେଳେ ସମ୍ମାନୀତ ଅତିଥି ଭାବେ ବିଜେଡି ବ୍ଲକ ସଭାପତି ଜ୍ୟୋତିରାଜ ପ୍ରଧାନ, ବ୍ଲକ ବିଜୁ ଯୁବ ସଭାପତି ରଞ୍ଜନ ପ୍ରଧାନ, ଛାତ୍ର ଯୁବ ବ୍ଳକ ସଭାପତି ରୂପକ କୁମାର ସାହୁ, କ୍ଳେଶ ପ୍ରଧାନ, ଯୁବ ନେତା ପ୍ରଦ୍ୟୁମ୍ନ ପାତ୍ର ପ୍ରମୁଖ ଯୋଗ ଦେଇଥିଲେ । ଏହି ମିଶ୍ରଣ ପର୍ବରେ ଅଂଚଳର ୪୦ ରୁ ଉଦ୍ଧ୍ୱର୍ କର୍ମୀ ବିଜେଡିରେ ଯୋଗ ଦେଇଥିଲେ । ଏହି ପର୍ବରେ ଅନ୍ୟମାନକ ମଧ୍ୟରେ ବାଡା ପ୍ରଧାନ, ମାନେଲ ପ୍ରଧାନ, ଅନନ୍ତ ପ୍ରଧାନ, ଅଜିତ ପ୍ରଧାନ ସମେତ ବହୁ ସଂଖ୍ୟକ ବିଜେଡି କର୍ମୀ ଉପସ୍ଥିତ ଥିଲେ ।
