ବାଲିଗୁଡ଼ା: କନ୍ଧମାଳ ଜିଲ୍ଲା ଦାରିଙ୍ଗବାଡ଼ି ହିଲଭିଉ ସମ୍ମୁଖ ପଡ଼ିଆଠାରେ ଜନ ଜାତି ଗୌରବ ଦିବସ ଉପଲକ୍ଷେ କନ୍ଧମାଳ ସାଂସଦ ଡଃ ଅଚ୍ୟୁତ ସାମନ୍ତଙ୍କ ଆନୁକୂଲ୍ୟରେ ବ୍ଲକ ସ୍ତରୀୟ ଭଳିବଲ ପ୍ରତିଯୋଗିତା ହୋଇଯାଇଛି । ଏଥିରେ ୨୫ ଗୋଟି ପଞ୍ଚାୟତର ସର୍ବମୋଟ ୨୮ ଗୋଟି ଟିମ ଭାଗ ନେଇଥିଲେ । ଏହାକୁ ଦାରିଙ୍ଗବାଡିର କୃଷିଅଧିକାରୀ ବୃନ୍ଦାବନ ବେହେରା ଉଦଘାଟନ କରିଥିଲେ । ଆଜି ଫାଇନାଲ ମ୍ୟାଚରେ ଦାରିଙ୍ଗବାଡ଼ି ଓ ପର୍ତ୍ତମାହା ମଧ୍ୟରେ ଖେଳାଯାଇଥିଲା । ଏଥିରେ ଦାରିଙ୍ଗବାଡ଼ି ଟିମ ବିଜୟୀ ହୋଇଥିଲେ । ଏହି ଅବସରରେ ଦାରିଙ୍ଗବାଡ଼ି ବିଡିଓ ଗଦାଧର ପାତ୍ର ଓ ତହସିଲଦାର ଡ଼ଃ ଅଶୋକ ଦାସ ମୁଖ୍ୟ ଅତିଥି ଭାବେ ଯୋଗ ଦେଇ ବିଜୟୀ ହୋଇଥିବା ଟିମ ଓ ରନର୍ସ ଅପ ହୋଇଥିବା ଦଳର ଖେଳାଳି ମାନଙ୍କୁ ପୁରସ୍କୃତ କରିଥିଲେ । ଏହି ପ୍ରତିଯୋଗିତା ଦୁଇଦିନ ଧରି ଚାଲିଥିଲା । ଆଜି ତାହାର ଉଦ୍ଯାପନୀ ହୋଇଥିଲା ।
