ଦଶପଲ୍ଲା,୭/୧: – ଦଶପଲ୍ଲା ବ୍ଲକ କୁଲୁରୁକୁମ୍ପା ଗ୍ରାମ ପଞ୍ଚାୟତ ଅନ୍ତର୍ଗତ ଦୁର୍ଗା ପ୍ରସାଦ ଗ୍ରାମ ଠାରେ ନୂତନ କୋଠ ନିମନ୍ତେ ଶୁଭ ଭିତ୍ତି ପ୍ରସ୍ତର ସ୍ଥାପନ କରିଛନ୍ତି ଦଶପଲ୍ଲା ବିଧାୟକ ତଥା ନୟାଗଡ଼ ଜିଲ୍ଲା ବିଜେଡି ସଭାପତି ରମେଶ ଚନ୍ଦ୍ର ବେହେରା । ଦୁର୍ଗାପ୍ରସାଦ ଗ୍ରାମରେ ଏକ କୋଠଘରର ନିହାତି ଆବଶ୍ୟକ ବୋଲି ଗ୍ରାମବାସୀମାନେ ପୂର୍ବରୁ ବିଧାୟକଙ୍କୁ ଅବଗତ କରାଇଥିଲେ । ଆବଶ୍ୟକତାକୁ ଅନୁଭବ କରି ବିଧାୟକ କୋଠଘର ନିର୍ମାଣ ପାଇଁ ଶୁଭ ଅନୁକୂଳ କରିଛନ୍ତି । ଏହି କାର୍ଯ୍ୟକ୍ରମରେ ବିଧାୟକଙ୍କ ସମେତ ପଂଚାୟତ ସମିତି ଉପାଧ୍ୟକ୍ଷ ଉଦ୍ୟମୀ ଯୁବନେତା ବସନ୍ତ କୁମାର ସାହୁଙ୍କ ସମେତ ବହୁ ବିଜେଡି କର୍ମୀ ଯୋଗ ଦେଇଥିଲେ ।
