ଦଶପଲ୍ଲା,୧୫/୧: ନୟାଗଡ଼ ଜିଲ୍ଲାରେ ଦିନକୁ ଦିନ କରୋନା କାୟା ବିସ୍ତାର କରିଚାଲିଛି । ଶୁକ୍ରବାର ଜିଲ୍ଲାରୁ ୧୨୧ ଆକ୍ରାନ୍ତ ଚିହ୍ନଟ ହୋଇଛନ୍ତି । ଦିନକୁ ଦିନ ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଉଥିବାରୁ ପରିସ୍ଥିତି ଉଦ୍ବେଗଜନକ ହୋଇଛି । ଫଳରେ ସକ୍ରିୟ ଆକ୍ରାନ୍ତ ସଂଖ୍ୟା ୪୨୦ରେ ପହଞ୍ଚିଥିବା ସୂଚନା ମିଳିଛି । ଜିଲ୍ଲାରୁ ଚିହ୍ନଟ ହୋଇଥିବା ଆକ୍ରାନ୍ତଙ୍କ ମଧ୍ୟରେ ଭାପୁରରୁ ୨ , ଦଶପଲ୍ଲାରୁ ୧୦ , ଖଣ୍ଡପଡ଼ାରୁ ୭ , ନୟାଗଡ଼ରୁ ୧୫ , ନୂଆଗାଁରୁ ୮ , ଓଡ଼ଗାଁରୁ ୧୭ , ରଣପୁରରୁ ୨୧ ଏବଂ ନୟାଗଡ଼ ପୌରାଞ୍ଚଳରୁ ୪୧ ଜଣ ଆକ୍ରାନ୍ତ ରହିଥିବା ଜିଲ୍ଲା ପ୍ରଶାସନ ପକ୍ଷରୁ ସୂଚନା ମିଳିଛି ।
