ଦଶପଲ୍ଲା, ୧/୯ – ନୟାଗଡ଼ ଜିଲ୍ଲା, ଓଡଗାଁ, ରଘୁନାଥ ସମବାୟ ମହାବିଦ୍ୟାଳୟର ସିଟ୍ ସଂଖ୍ୟା ବୃଦ୍ଧିପାଇଛି । +୩ ବିଜ୍ଞାନରେ ୬୪ ରୁ ୧୨୮ ଓ +୩ କଳାରେ ୧୨୮ ରୁ ୨୨୪କୁ ବୃଦ୍ଧି ପାଇଅଛି । ତତ୍ ସଙ୍ଗେସଙ୍ଗେ ନୂତନ ଭାବେ +୩ କଳାରେ ଅର୍ଥନୀତି, ମନୋବିଜ୍ଞାନ ଓ ସମାଜବିଜ୍ଞାନରେ ସମ୍ମାନ ଶ୍ରେଣୀ ଖୋଲିବା ପାଇଁ ଅନୁମତି ମିଳିଅଛି । ଆଗାମୀ ଦିନରେ +୩ କଳାରେ ଓଡ଼ିଆ, ସଂସ୍କୃତ, ଇତିହାସ, ରାଜନୀତି ବିଜ୍ଞାନ, ଶିକ୍ଷା, ଦର୍ଶନ ଶାସ୍ତ୍ର, ଅର୍ଥନୀତି, ମନୋବିଜ୍ଞାନ ଓ ସମାଜ ବିଜ୍ଞାନ ସମ୍ମାନ ବିଭାଗରେ ଛାତ୍ରଛାତ୍ରୀମାନେ ଶିକ୍ଷାଲାଭ କରିବାର ସୁଯୋଗ ପାଇବେ । ଉଲ୍ଲେଖଯୋଗ୍ୟ +୩ କଳା ଏବଂ ବିଜ୍ଞାନର ବିଭିନ୍ନ ସମ୍ମାନ ବିଭାଗରେ ସିଟ ସଂଖ୍ୟ ମଧ୍ୟ ବୃଦ୍ଧି ପାଇଅଛି । ଦୀର୍ଘ ୩୫ ବର୍ଷ ପରେ ଛାତ୍ରଛାତ୍ରୀ ତଥା ଅଞ୍ଚଳବାସୀଙ୍କର ଆଶା ଏବଂ ଆକାଂକ୍ଷା ପୂରଣ ହୋଇଅଛି ।
