ଦଶପଲ୍ଲା,୮/୫:- ବାଣୀଗୋଛା ଥାନା ଅନ୍ତର୍ଗତ ଫାଲପାଜୁ ଗ୍ରାମର ବୀରସେନ କହଁରଙ୍କ ପୁଅ ବିକ୍ରମ କହଁର (୨୧) ଘରୁ ଗାଧୋଇବାକୁ ଯାଇ ନିଖୋଜ ଥିବା ବାଣୀଗୋଛା ଥାନାରେ ଅଭିଯୋଗ ହୋଇଛି । ମିଳିଥିବା ଅନୁଯାୟୀ , ସୂଚନା ମୁତାବକ ଗତ ଏପ୍ରିଲ ୨୪ ତାରିଖ ଦିନ ବିକ୍ରମ ଘରେ ମୋବାଇଲ ଦେଖୁଥିଲେ । ଏହି ସମୟରେ ମା ’ ସାମାନ୍ୟ ପାଟି କରିଥିଲେ । ଏହା ପରେ ପୂର୍ବାହ୍ନ ପ୍ରାୟ ୧୦ଟା ସମୟରେ ସେ ଘରୁ ଗାଧୋଇବାକୁ ଯାଇଥିଲେ । ହେଲେ ଏହା ପରେ ଆଉ ଘରକୁ ଫେରିନଥିଲେ । ବିଳମ୍ବ ହେବାରୁ ଗାଁରେ ଖୋଜାଖୋଜି କରିଥିଲେ ପରିବାରଲୋକେ । ହେଲେ କୌଣସି ପତ୍ତା ମିଳିନଥିଲା । ଏହାପରେ ବନ୍ଧୁବାନ୍ଧବ ଖୋଜାଖୋଜି କରି ସାରିଥିବା ବେଳେ ଏଯାଏଁ କୌଣସି ପତ୍ତା ମିଳୁନଥିବା ପରିବାର ଲୋକ ଅଭିଯୋଗ ଆଣିଛନ୍ତି । ଚାରିଆଡୁ ନିରାଶ ହେବାରୁ ଥାନାରେ ଅଭିଯୋଗ କରିଛନ୍ତି । ଅଭିଯୋଗ ଆଧାରରେ ପୁଲିସ ଏକ ନିଖୋଜ ମାମଲା ରୁଜୁ କରି ତଦନ୍ତ ଜାରିରଖିଛି ।
