ଦଶପଲ୍ଲା,୨୬/୮- ନୟାଗଡ଼ ଜିଲ୍ଲା ଦଶପଲ୍ଲା ବ୍ଲକ୍ ଅନ୍ତର୍ଗତ ଶାଳଭଂଗା ଗ୍ରାମ, ୫୭ ନଂ ଜାତୀୟ ରାଜପଥ ଉପରେ ଆଜି ଭୋର୍ ସମୟରେ ଘଟିଛି ଏକ ମର୍ମନ୍ତୁଦ ସଡ଼କ ଦୁର୍ଘଟଣା । ପ୍ରାପ୍ତ ସୂଚନା ଅନୁସାରେ ଆଜି ଭୋର୍ ସମୟରେ ଝାରସୁଗୁଡାରୁ ଏକ ପିକ୍ଅପ୍ ଭ୍ୟାନ୍ ଚିଙ୍ଗୁଡି ମାଛ ଆଣିବା ପାଇଁ ଦ୍ରୁତଗତିରେ ବାଲୁଗାଁ ଅଭିମୁଖେ ଯାଉଥିବା ବେଳେ ଭୋର୍ ସମୟରେ ଏକ ମାଲ୍ବାହୀ ଟ୍ରକ୍ ପଛରେ ଧକ୍କା ହୋଇଥିଲା । ଦୁର୍ଘଟଣା ଏତେ ଯୋରଦାର୍ ଥିଲାଯେ , ଦୁର୍ଘଟଣା ଶବ୍ଦରେ ନିକଟସ୍ଥ ଶାଳଭଂଗା ଗ୍ରାମବାସୀ ମାନଙ୍କର ନିଦ ଭାଂଗି ଯାଇଥିଲା । ସଙ୍ଗେସଙ୍ଗେ ଗ୍ରାମବାସୀମାନେ ଘଟଣା ସ୍ଥଳରେ ପହଞ୍ଚି ,ଗୁରୁତ୍ତର ଆଘାତପ୍ରାପ୍ତ ଡ୍ରାଇଭର ଓ ଅନ୍ୟ ୪ ଜଣଙ୍କୁ୧୦୮ ଆମ୍ବୁଲାନ୍ସ ଯୋଗେ ଦଶପଲ୍ଲା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ପଠାଇଥିଲେ । ସମ୍ବାଦ ଲେଖାହେବା ସୁଦ୍ଧା ସେମାନଙ୍କର ସ୍ୱାସ୍ଥ୍ୟାବସ୍ଥା ସ୍ଥିର ଥିବା ଜଣାଯାଇଛି ।
