ଦଶପଲ୍ଲା : ରାଜ୍ୟରେ ଆଜି ବିଭିନ୍ନ ବ୍ଲକ୍ ଓ ତହସିଲରେ କାର୍ଯ୍ୟ କରୁଥିବା ନିର୍ଦ୍ଦେଶନାମା ଓଏଏସ୍ ଅଧିକାରୀମାନଙ୍କର ବଦଳି ପ୍ରକାଶ ପାଇଥିବା ବେଳେ ଏଥିରେ ଦଶପଲ୍ଲା ବ୍ଲକ୍ରେ ବିଡିଓ ବିଶ୍ୱରଂଜନ ବିଶ୍ୱାସଙ୍କ ବଦଳି ନିର୍ଦ୍ଦେଶନାମା ପ୍ରକାଶ ପାଇଛି । ତାଙ୍କର କଟକ ଜିଲ୍ଲା ବାରଙ୍ଗକୁ ବଦଳି ହୋଇଛି । ସେହିଭଳି ଛେଣ୍ଡିପଦା ବ୍ଲକରେ କାର୍ଯ୍ୟରତ ବିଡିଓ ସଂଜୟ କୁମାର ଆଚାର୍ଯ୍ୟଙ୍କର ଦଶପଲ୍ଲା ବ୍ଲକକୁ ବଦଳି ହୋଇଥିବା ଜଣାପଡ଼ିଛି । ତେବେ ବିଡିଓ ଶ୍ରୀ ବିଶ୍ୱାସ ଦଶପଲ୍ଲାରେ ୨୦୨୦ ଜୁନ ୧୨ ତାରିଖରେ ଯୋଗ ଦେଇଥିଲେ । ସେ କାର୍ଯ୍ୟରେ ଯୋଗ ଦେବା ପରେ ସମସ୍ତ କର୍ମଚାରୀଙ୍କୁ ନେଇ ବିଭିନ୍ନ ପଞ୍ଚାୟତର ବିକାଶ ତଥା ଉନ୍ନୟନମୂଳକ କାର୍ଯ୍ୟପ୍ରତି ଗୁରୁତ୍ୱ ଦେଇ ଆସିଛନ୍ତି ।
