ବୌଦ୍ଧ : ଆଜି ସଂଧ୍ୟା ୬ଘଣ୍ଟା ସମୟରେ କଣ୍ଟାମାଳ-ଲମ୍ବସରୀ ରାସ୍ତାର ଝାରମୁଣ୍ଡାଠାରେ ଏକ ସଡକ ଦୁର୍ଘଟଣା ଘଟି ୩ଜଣ ଆହତ ହୋଇଥିବା ଜଣାପଡିଛି । ମିଳିଥିବା ସୂଚନା ଅନୁସାରେ ଓଆର୍ ୩୧-୧୩୧୩ ନମ୍ବର ବିଶିଷ୍ଟ ଏକ ଟିଭିଏସ୍ ୱେଗୋ କାର୍ ଲମ୍ବସରୀ ରାସ୍ତାରୁ କଣ୍ଟାମାଳ ଆସୁଥିବା ସମୟରେ ବଡ ଝାରମୁଣ୍ଡା ଗାଁ ନିକଟରେ ଭାରସାମ୍ୟ ହରାଇ ରାସ୍ତା ତଳକୁ ଖସି ଓଲଟି ପଡିଥିଲା । ଫଳରେ ୩ଜଣ ଗୁରୁତର ଆହତ ହୋଇଥିଲେ । ଆହତମାନେ କଣ୍ଟାମାଳ ବନ୍ଧପାଲି ଗ୍ରାମର ବୋଲି ଜଣାପଡିଛି । କଣ୍ଟାମାଳରୁ ୧୦୮ ଆମ୍ବୁଲାନ୍ସ ଆସି ସେମାନଙ୍କୁ ଡାକ୍ତରଖାନାକୁ ନେଇଥିବା ଜଣାପଡିଛି ।
