ଦେବଗଡ଼,୧୮ା୮ : ଦେବଗଡ଼ ଜିଲ୍ଲା ବାରକୋଟ ପଂଚାୟତ ସମିତି ଅନ୍ତର୍ଗତ ବସାଲଇ ପଂଚାୟତର ଅସନନାଳୀ ଗ୍ରାମର ରାଧାକୃଷ୍ଣ କ୍ଲବ ଆନୁକୁଲ୍ୟରେ ତ୍ରିଦିବସୀୟ ପୁଟବଲ ଟୁର୍ଣ୍ଣାମେଂଟ ଉଦ୍ଯାପିତ ହୋଇଯାଇଛି । ତିନିଦିନ ଧରି ଚାଲିଥିବା ଟୁର୍ଣ୍ଣାମେଂଟରେ ମୋଟ ୧୬ଟି ଫୁଟବଲ ଦଳ ଅଂଶ ଗ୍ରହଣ କରିଥିବାବେଳେ ପ୍ରଥମ ସେମିଫାଇନାଲରେ ନଳବନ୍ଧ ଓ ଆମ୍ବଗାଁ ଟିମ୍ ମଧ୍ୟରେ ଅନୁଷ୍ଠିତ ହୋଇଥିଲା । ଏଥିରେ ନଳବନ୍ଧ ଦଳ ଆମ୍ବଗାଁ ଦଳକୁ ପରାସ୍ତ କରି ଫାଇନାଲକୁ ଓହ୍ଲାଇଥିଲା । ସେହିପରି ଦ୍ୱିତୀୟ ସେମି ଫାଇନାଲ ଖେଳ କଲା ଏବଂ ସିଙ୍ଗୁରୀ ଦଳ ମଧ୍ୟରେ ଅନୁଷ୍ଠିତ ହୋଇଥିବାବେଳେ କଲା ଦଳ ଫାଇନାଲକୁ ଉତୀର୍ଣ୍ଣ ହୋଇଥିଲା । ଫାଇନାଲ ଖେଳରେ ନଳବନ୍ଧ ଦଳ ଟ୍ରାଇବେକର ଜରିଆରେ ୪-୦ ଗୋଲରେ କଲା ଦଳକୁ ପରାସ୍ତ କରି ବିଜୟୀ ହୋଇଥିଲା । ଆୟୋଜିତ ଉଦ୍ଯାପନୀ ଉତ୍ସବରେ ଭାଜପା ଯୁବମୋର୍ଚ୍ଚା ରାଜ୍ୟ କାର୍ଯ୍ୟକାରିଣୀ ସଦସ୍ୟ ତଥା ଯୁବନେତା ସୁଧିର କୁମାର ବ୍ରହ୍ମା ମୁଖ୍ୟ ଅତିଥିଭାବେ ଯୋଗ ଦେଇଥିବାବେଳେ ସମ୍ମାନୀତ ଅତିଥିଭାବେ ବସାଲଇ ଗ୍ରାମପଂଚାୟତ ସରପଂଚ ଦିଲ୍ଲୀପ କୁମାର ପଟ୍ଟନାୟକ,ସମିତି ସଭ୍ୟ ଭୁବନେଶ୍ୱର ପ୍ରଧାନ,ଗ୍ରାମର ବରିଷ୍ଠ ନାଗରୀକ ଉଗ୍ରେସନ ପ୍ରଧାନ,ବରିଷ୍ଠ ଶିକ୍ଷକ କନ୍ତାରୁ ଚରଣ ପ୍ରଧାନ ବିଜେପି କର୍ମୀ ଦୟାଶଙ୍କର ଦ୍ୱିବେଦୀ ପ୍ରମୁଖ ମଂଚାସୀନ ଥିଲେ । ମୁଖ୍ୟ ଅତିଥି ଶ୍ରୀ ବ୍ରହ୍ମା ଚମ୍ପିଆନ୍ ନଳବନ୍ଧ ଦଳକୁ ଟ୍ରଫି ସହ ଅର୍ଥରାଶି ଏବଂ ରନର୍ସ ଅପ୍ ଦଳ କଲାକୁ ଟ୍ରଫି ଓ ଅର୍ଥରାଶୀ ପ୍ରଦାନ କରିଥିଲେ । ଉକ୍ତ କାର୍ଯ୍ୟକ୍ରମରେ କ୍ଲବ୍ର ସଦସ୍ୟ ବିଜୟ କୁମାର ଦେହୁରୀ,ରାଜିବ କୁମାର ସାହୁ,ଟିକୁ ସାମଲ,ଜଗଦିଶ୍ ପ୍ରଧାନ,ଭରତ ସାହୁ.ସମିଲ ସାମଲ,ଲିପୁନ୍ ଦେହୁରୀ,ମାନଓ ଦେହୁରୀ ପ୍ରମୁଖ ସହଯୋଗ କରିଥିଲେ ।
