ଦେବଗଡ଼,୧୮ା୮ : ଧରଣୀଧର ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟକୁ ୨୦୨୦-୨୧ ବର୍ଷ ପାଇଁ ପ୍ରକୃତି ମିତ୍ର ପୁରସ୍କାର ମିଳିଛି । ସୁଶୀତଳ ଛାୟା ପ୍ରଦାନକାରୀ ସୁ-ଉଚ୍ଚ ପିଆଶାଳ ବୃକ୍ଷରାଜି ସହିତ ନାନାଦି ଓøଷଧିୟ ବୃକ୍ଷ ଓ ବିଭିନ୍ନ ଫୁଲଫଳ ବୃକ୍ଷ ସମୁହର ପ୍ରାକୃତିକ ପରିବେଶ ଏହି ବିଦ୍ୟାଳୟକୁ ଆଚ୍ଛାଦିତ କରିରହିଛି । ଏହିକ୍ରମରେ କୋଭିଡ଼୍-୧୯ କଟକଣାକୁ ଦୃଷ୍ଟିରେ ରଖି ବନ ବିଭାଗ ରେଞ୍ଜ ଅଫିସର ଦେବଦତ ନନ୍ଦ ଉପସ୍ଥିତ ରହି ପ୍ରଧାନ ଶିକ୍ଷୟତ୍ରୀ ସବିତା ନନ୍ଦଙ୍କୁ ପ୍ରକୃତି ମିତ୍ର ପୁରସ୍କାର ଓ ମାନପତ୍ର ପ୍ରଦାନ କରିଥିଲେ । ସେହିପରି ସହକାରୀ ଶିକ୍ଷକ ସୁଶାନ୍ତ କୁମାର ନନ୍ଦ, ଘନଶ୍ୟାମ ବେହେରା, ସତ୍ୟନାରାୟଣ ସାହୁ, ପ୍ରଭାତ ମହାପାତ୍ର, ସହକାରୀ ଶିକ୍ଷୟତ୍ରୀ ସିପୀକା ମିଶ୍ର, ମାନସୀ ଗଡ଼ନାୟକ, ନିରୁପମା ପ୍ରଧାନ, ବନ ବିଭାଗ ଫରେଷ୍ଟର ଭୋଳେଶ୍ୱର ସାହୁ, ପ୍ରଶନ୍ନ କୁମାର ସାହୁ, କାର୍ତିକ ଦେହୁରୀ ତଥା ସ୍କୁଲର ସମସ୍ତ କର୍ମଚାରୀ ଉପସ୍ଥିତ ଥିଲେ ।
