ଭୁବନେଶ୍ୱର : କଟକ ଜିଲ୍ଲା ଅନ୍ତର୍ଗତ ମାହାଙ୍ଗା ଥାନାରେ ଏକ ଅମାନବୀୟ କାଣ୍ଡ ଘଟିଯାଇଛି । ବଡ଼ ଭାଇ ପରିବାରର ୫ ଜଣଙ୍କୁ ମାରିଦେଇ ସାନ ଭାଇ ଥାନାରେ ଆତ୍ମସମର୍ପଣ କରିଛି । ଯାହାକି ଏବେ ସାରା ଅଂଚଳରେ ଚର୍ଚ୍ଚା ସୃଷ୍ଟି କରିଛି । ବଡ଼ ଭାଇ, ଭାଉଜ, ତାଙ୍କର ୩ ସନ୍ତାନକୁ ସାନ ଭାଇ ମାରିଦେଇଛି । ଏଭଳି ହୃଦୟ ବିଦାରକ ଘଟଣା ସ୍ଥାନୀୟ ଅଂଚଳରେ ଅତୀତରେ କେବେ ଘଟିନାହିଁ ।
ମିଳିଥିବା ସୂଚନାନୁଯାୟୀ, ଦୁଇ ଭାଇଙ୍କ ମଧ୍ୟରେ ଦୀର୍ଘଦିନ ଧରି ବିବାଦ ଲାଗି ରହିଥିଲା । ବଡ଼ଭାଇ ଓ ଭାଉଜ ସାନଭାଇକୁ ହଇରାଣ ହରକତ କରୁଥିବାବେଳେ ଗତକାଲି ରାତିରେ ମାଡ଼ ମାରିଥିଲେ । ଏଥିରେ ଉତକ୍ଷିପ୍ତ ହୋଇ ସାନ ଭାଇ ଯୋଜନାବଦ୍ଧ ଭାବେ ବଡ଼ଭାଇ ପରିବାରର ସମସ୍ତଙ୍କୁ ମାରିଦେଇଛି । ସମସ୍ତଙ୍କୁ ହତ୍ୟା କରିବା ପରେ ସାନ ଭାଇ ଥାନାରେ ଆତ୍ମସମର୍ପଣ କରିଛି ।
ସେ କହିଛିଯେ, ବଡ଼ଭାଇ ଅକଥନୀୟ ନିର୍ଯ୍ୟାତନା ଦେଉଥିବାରୁ ସେ ଆଉ ସହିପାରିନଥିଲା । ଅଭିଯୁକ୍ତ ଶିବ ସାହୁ ଭିଡ଼ିଓରେ କହିଛିଯେ, ଭାଇ ମାଡ଼ ମାରିବାରୁ ସେ ରାଗରେ ଜୀବନରେ ମାରିଦେଲା । କୋର୍ଟ ଯାହା ଦଣ୍ଡ ଦେବେ ସେ ଗ୍ରହଣ କରିବେ । ପାରିବାରିକ କଳହର ଏଭଳି କୁପରିଣିତି ସ୍ଥାନୀୟ ଅଂଚଳରେ ଚାଞ୍ଚଲ୍ୟ ଖେଳାଇ ସାରିଥିବାବେଳେ ପୁଲିସ ଏବେ ତଦନ୍ତ ଆରମ୍ଭ କରିଛି ।
