ଘୁ.ଉଦୟଗିରି,୨୭/୯- କେନ୍ଦ୍ର ସରକାରଙ୍କ ଜନବିରୋଧି, ଶ୍ରମିକ ବିରୋଧୀ ଓ ଚାଷୀ ବିରୋଧୀ ନୀତି ବିରୁଦ୍ଧରେ ଆଜି ସଂଯୁକ୍ତ କୃଷକ ମୋର୍ଚ୍ଚା ପକ୍ଷରୁ ୧୦ ଘଣ୍ଟିଆ ଭାରତ ବନ୍ଦ ଡାକରାର ପ୍ରଭାବ କନ୍ଧମାଳ ଜିଲ୍ଲା ଘୁ ଉଦୟଗିରିରେ ମଧ୍ୟ ଦେଖିବାକୁ ମିଳିଛି । ବନ୍ଦକୁ ସମର୍ଥନ ଜଣାଇ କଂଗ୍ରେସ ସମେତ ୧୯ ଗୋଟି ସମଭାବାପନ୍ନ ରାଜନୈତିକ ଦଳ ଏହି ବନ୍ଦକୁ ସମର୍ଥନ ଜଣାଇଥିଲେ । ଏହି ବନ୍ଦ ବେଳେ ଘୁ ଉଦୟଗିରି ସମସ୍ତ ଦୋକାନ ବଜାର ବନ୍ଦ ରହିଥିବା ବେଳେ ଗାଡି ଚଳାଚଳ ମଧ୍ୟ ବନ୍ଦ ରହିଥିଲା । ସକାଳ ୬ ଘଣ୍ଟିକା ଠାରୁ ଅପରାହ୍ନ ୪ ଘଣ୍ଟିକା ପର୍ଯ୍ୟନ୍ତ୧୦ ଘଣ୍ଟିଆ ଭାରତ ବନ୍ଦ ଆଜି ଘୁ ଉଦୟଗିରିରେ ମଧ୍ୟ ବନ୍ଦ ସଫଳ ହୋଇଛି । କେନ୍ଦ୍ରର ସରକାର ଦେଶବ୍ୟାପୀ ରାଷ୍ଟ୍ରାୟତ ଉଦ୍ୟୋଗର ଘରୋଇକରଣ କରୁଥିବା ଜନବିରୋଧି ବିଦ୍ୟୁତ ଆଇନ ଆଣିଥିବା, ଶ୍ରମିକ ବିରୋଧୀ ଶ୍ରମ ଆଇନ ଆଣିଥିବା ଓ କୃଷକ ବିରୋଧୀ ତିନୋଟି କୃଷି ଆଇନ ଆଣିଥିବା ପ୍ରତିବାଦ ସହିତ ୨୧ ଦଫା ଦାବିରେ ଆଜି ଭାରତ ବନ୍ଦ ପାଳନ କରାଯାଇଛି ।
